പത്തനംതിട്ട: കളിസ്ഥലം അവിഭാജ്യഘടകമാണെന്നും കളിസ്ഥലമില്ലെങ്കിൽ സ്കൂൾ പൂട്ടണമെന്നും ഹൈക്കോടതി. ക്ലാസ്‌മുറിയിൽമാത്രം ഒതുങ്ങേണ്ടതല്ല പഠനം. കളിസ്ഥലം കുട്ടികളുടെ ശാരീരികവും മാനസികവും വൈകാരികവുമായ വളർച്ചയ്ക്ക് അനിവാര്യമാണ്. കളിസ്ഥലമാണ് ആത്യന്തികമായ ക്ലാസ്‌മുറിയെന്നും ജസ്റ്റിസ് പി.വി. കുഞ്ഞികൃഷ്ണൻ അഭിപ്രായപ്പെട്ടു. പത്തനംതിട്ട തേവായൂർ സർക്കാർ എൽ.പി. സ്കൂൾ ഗ്രൗണ്ടിൽ കുടിവെള്ളസംഭരണി നിർമിക്കാനുള്ള ജില്ലാപഞ്ചായത്തിന്റെ തീരുമാനം ചോദ്യംചെയ്യുന്ന പി.ടി.എ.യുടെ ഹർജിയിൽ പുറപ്പെടുവിച്ച ഉത്തരവിലാണ് ജസ്റ്റിസ് പി.വി. കുഞ്ഞികൃഷ്ണന്റെ നിർദേശം.കെ.ഇ.ആറിൽ എത്ര വിസ്തീർണമാണ് ഓരോ സ്കൂളിലെ കളിസ്ഥലത്തിനും വേണ്ടതെന്ന് പ്രത്യേകമായി നിർദേശിക്കണം. നിലവിൽ ഇക്കാര്യം കെ.ഇ.ആറിൽ വ്യക്തമായി പറയുന്നില്ല. ഇത് പ്രയോജനപ്പെടുത്തി സ്കൂളുകൾ കളിസ്ഥലം ഒരുക്കാത്ത സ്ഥിതിയുണ്ട്. നാലുമാസത്തിനുള്ളിൽ ഇക്കാര്യത്തിൽ ചട്ടങ്ങൾ രൂപവത്കരിക്കണം. മതിയായ സമയം നൽകിയിട്ടും പാലിക്കാത്ത സ്കൂളുകൾ പൂട്ടാൻ ഉത്തരവിടണമെന്നും കോടതി പറഞ്ഞു. ഉത്തരവ് പൊതുവിദ്യാഭ്യാസ സെക്രട്ടറിക്ക് അയച്ചുകൊടുക്കാനും നിർദേശിച്ചു. ഹർജിക്കാരുടെ കാര്യത്തിൽ കളിസ്ഥലത്ത് ജലസംഭരണി നിർമിക്കുന്നതിൽനിന്ന് പഞ്ചായത്ത് പിന്നീട് പിന്മാറിയിരുന്നു.
പത്തനംതിട്ട മീഡിയ ആപ്പ് ലോഞ്ച് ചെയ്തു – പ്ലേ സ്റ്റോറില്‍ ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്‍ക്ക് സ്വാഗതം. ചുരുങ്ങിയകാലംകൊണ്ട് ഓണ്‍ലൈന്‍ മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല്‍ ആപ്പ് (Android) ഇപ്പോള്‍ പ്ലേ സ്റ്റോറില്‍ ലഭ്യമാണ്, തികച്ചും സൌജന്യമായി ഇത് ഡൌണ്‍ ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
വാര്‍ത്തകള്‍ ക്ഷണനേരം കൊണ്ട് ലോഡാകുവാന്‍ ഏറ്റവും പുതിയ സാങ്കേതികവിദ്യയാണ് ഉപയോഗിച്ചിരിക്കുന്നത്‌. മറ്റു വാര്‍ത്താ ആപ്പുകളില്‍ നിന്നും തികച്ചും വ്യത്യസ്തമാണ് പത്തനംതിട്ട മീഡിയയുടെ ആപ്പ്. ഏതൊക്കെ കാറ്റഗറിയിലുള്ള വാര്‍ത്തകള്‍ തങ്ങള്‍ക്കു വേണമെന്ന് ഓരോ വായനക്കാര്‍ക്കും തീരുമാനിക്കാം. ഒരു ദിവസത്തെ വാര്‍ത്തകള്‍ മാത്രം കാണുന്നതിനും സാധിക്കും. കൂടാതെ ഫെയ്സ് ബുക്ക്, വാട്സ് ആപ്പ് തുടങ്ങിയ സോഷ്യല്‍ മീഡിയാകളിലേക്ക് വാര്‍ത്തകള്‍ അതിവേഗം ഷെയര്‍ ചെയ്യാനും സാധിക്കും. അരോചകമായ പരസ്യങ്ങള്‍ ഉണ്ടാകില്ല. ഇന്റര്‍നെറ്റിന്റെ പോരായ്മകള്‍ ആപ്പിന്റെ പ്രവര്‍ത്തനത്തെ ബാധിക്കില്ല. തികച്ചും സൌജന്യമായാണ് വാര്‍ത്തകള്‍ ലഭിക്കുന്നത്.
