ഡല്ഹി: മൗലാനാ അബുല് കലാം ആസാദിനെ കുറിച്ചുള്ള ഭാഗങ്ങള് പാഠപുസ്തകത്തില്നിന്ന് വെട്ടിമാറ്റിയ എന്.സി.ഇ.ആര്.ടി നടപടിയെ രൂക്ഷമായി വിമര്ശിച്ച് കോണ്ഗ്രസ് നേതാവ് ശശി തരൂര്. ഇത്തരം നടപടികള് ബഹുസ്വര ജനാധിപത്യത്തിന് ചേര്ന്നതല്ലെന്നും അദ്ദേഹം പറഞ്ഞു. എന്ത് നാണക്കേടാണിത്. ചരിത്രത്തില് നിന്ന് മാറ്റി നിര്ത്തപ്പെട്ടവരെ കൂട്ടിച്ചേര്ക്കുന്നതിനോട് എനിക്ക് എതിര്പ്പില്ല. എന്നാല് ആളുകളെ നീക്കം ചെയ്യുന്നത്-പ്രത്യേകിച്ചും തെറ്റായ കാരണങ്ങള് കൊണ്ട് – നമ്മുടെ ബഹുസ്വര ജനാധിപത്യത്തിനും അതിന്റെ ചരിത്രത്തിനും അയോഗ്യതയാണ്- തരൂര് പറഞ്ഞു.
എന്.സി.ഇ.ആര്.ടി പുതുക്കിയ പ്ലസ് വണ് പാഠപുസ്തകത്തില്നിന്നാണ് ഇന്ത്യയുടെ ആദ്യ വിദ്യാഭ്യാസ മന്ത്രിയും സ്വാതന്ത്ര്യ സമര സേനാനിയുമായ മൗലാനാ ആസാദിനെ കുറിച്ചുള്ള ഭാഗങ്ങള് നീക്കിയത്. ഇന്ത്യന് കോണ്സ്റ്റിറ്റിയൂഷന് അറ്റ് വര്ക്ക് എന്ന ഭാഗത്തില് നിന്നാണ് ആസാദിനെ ഒഴിവാക്കിയത്.
