ദില്ലി: രാജ്യത്തുടനീളം വന്ദേ മെട്രോ ട്രെയിനുകള് ഈ വര്ഷം ഡിസംബറോടെ ഓടിത്തുടങ്ങുമെന്ന് റെയില്വേ മന്ത്രി അശ്വിനി വൈഷ്ണവ്. 100 കിലോമീറ്ററില് താഴെ ദൂരത്തില് സ്ഥിതി ചെയ്യുന്ന പ്രധാന നഗരങ്ങളെ ഈ മെട്രോ റെയില് ശൃംഖല വഴി ബന്ധിപ്പിക്കാന് ആലോചിക്കുന്നതായും മന്ത്രി പറഞ്ഞു. വിവിധ റൂട്ടുകളില് സെമി-ഹൈ-സ്പീഡ് വന്ദേ ഭാരത് എക്സ്പ്രസ് ട്രെയിനുകള് പുറത്തിറക്കിയതിന് പിന്നാലെയാണ് പുതിയ നീക്കം.
നഗരങ്ങളിലെ ഗതാഗതസൗകര്യങ്ങള് വര്ധിപ്പിക്കാനായി പുതിയമെട്രോ ട്രെയിനുകള് ട്രാക്കിലെത്തിക്കാനാണ് സര്ക്കാരിന്റെ പദ്ധതി. 100 കിലോമീറ്ററില് താഴെ ദൂരമുള്ള നഗരങ്ങള്ക്കിടയില് വന്ദേ മെട്രോ പ്രവര്ത്തിക്കുമെന്നും ജനങ്ങള്ക്ക് താങ്ങാനാകുന്നതായിരിക്കുമെന്നും റെയില്വേ മന്ത്രി അശ്വിനി വൈഷ്ണവ് പറഞ്ഞു. ഇത് വന്ദേ ഭാരത് ട്രെയിനുകളില് നിന്ന് വ്യത്യസ്തമായിരിക്കുമെന്നും അദ്ദേഹം പറഞ്ഞു.
