കൊച്ചി: പൊതുയോഗങ്ങളിലും വാര്ത്താ സമ്മേളനങ്ങളിലും ബി.ജെ.പി.യെയും നരേന്ദ്ര മോദിയെയും വിമര്ശിച്ചുവെന്ന് വരുത്തിയ ശേഷം, മുഖ്യമന്ത്രി പിണറായി വിജയന് കാണിക്കുന്ന സ്നേഹപ്രകടനം അത്ര നിഷ്കളങ്കമായി കാണാനാവില്ലെന്ന് ഡി.സി.സി. പ്രസിഡന്റ് മുഹമ്മദ് ഷിയാസ്. സ്വര്ണക്കടത്ത് കേസിലും പിണറായിയുടെ മകളുടെ കമ്പനി ഉള്പ്പെട്ട മാസപ്പടി കേസിലും കേന്ദ്ര ഏജന്സികളുടെ അന്വേഷണം നടക്കുകയാണ്.
പിണറായി വിജയന് പ്രധാനമന്ത്രിക്കു മുന്നില് വിനീത വിധേയനാകുന്നത് ജനങ്ങളില് സംശയമുണര്ത്തുന്നുണ്ട്. തൃശ്ശൂരില് ബി.ജെ.പി.യെ ജയിപ്പിക്കാന് പിണറായിയും സി.പി.എമ്മും സഹായിക്കുമോ എന്നുമാത്രമാണ് ഇനി അറിയാനുള്ളതെന്നും മുഹമ്മദ് ഷിയാസ് പ്രസ്താവനയില് വ്യക്തമാക്കി.
