കൈപ്പട്ടൂര് : കൈപ്പട്ടൂർ ശ്രീ മുപ്പുടാതി അമ്മൻ കോവിലിലെ അമ്മൻകൊട മഹോത്സവം ഫെബ്രുവരി 13 ന് വൈകിട്ട് 7.25 നും 8.15 നു മദ്ധ്യേയുള്ള ചിങ്ങം രാശിയില് തന്ത്രിമുഖ്യൻ താഴമൺമഠം കണ്ഠരര് മഹേഷ് മോഹനരുടെ മുഖ്യ കാർമ്മികത്വത്തിൽ കൊടിയേറും. മൂന്നാം തിരുവുത്സവ ദിവസമായി ഫെബ്രുവരി 15 മുതൽ ഫെബ്രുവരി 21 വരെ ശ്രീമദ് ഭാഗവത സപ്താഹയജ്ഞവും അന്നദാനവും നടക്കും. ഫെബ്രുവരി 21 വൈകിട്ട് അവസാന ഘോഷയാത്ര, വൈകിട്ട് 5.30 മുതൽ സോപാന സംഗീതം, വൈകിട്ട് 7.00 മുതൽ നൃത്തനൃത്യങ്ങൾ, രാത്രി 9.30 മുതൽ പള്ളിവേട്ട എന്നിവയും നടക്കും.
അമ്മൻകൊട ദിവസമായ ഫെബ്രുവരി 22 ഞായർ രാവിലെ 6.30 മുതൽ പള്ളി ഉണർത്തൽ, 7.30 മുതൽ പൊങ്കാല, രാവിലെ 10.00 മുതൽ അശ്വതി ദർശനവും, പുഷ്പാഭിഷേകവും പൂ മൂടലും, വൈകിട്ട് 5.30 മുതൽ ചെണ്ടമേളം, പമ്പമേളം, കരകം, ശിങ്കാരിമേളം & ഫ്യൂഷൻ, ഉത്സവ ഫ്ലോട്ട്, താലപ്പൊലികൾ, ചമയവിളക്കുകൾ, തീവെട്ടികൾ എന്നിവയുടെ അകമ്പടിയോടെ തിരു ആറാട്ട് എഴുന്നള്ളത്ത് നടക്കും. രാത്രി 8.00 നാമഘോഷലഹരി, രാത്രി 9.30 ന് ആറാട്ട് തിരിച്ചെഴുന്നള്ളത്ത്, തുടർന്ന് കൊടിയിറക്ക്, ദീപാരാധന, തുടർന്ന് കരിമരുന്ന് പ്രയോഗം, ഗുരുതി എന്നിവയും നടക്കുമെന്ന് ഭാരവാഹികള് അറിയിച്ചു.
