തിരുവനന്തപുരം : വനിതാ സംവരണ ബിൽ നടപ്പിലാക്കുന്നത് ഇന്ത്യാ സഖ്യം അട്ടിമറിക്കുന്നു എന്നാരോപിച്ച് കേരളത്തിൽ വിപുലമായ പ്രചാരണ പരിപാടികൾ സംഘടിപ്പിക്കാൻ ബിജെപി ഒരുങ്ങുന്നു. സാംസ്കാരിക, സാമൂഹിക, പ്രൊഫഷണൽ രംഗത്തെ പ്രമുഖ വനിതകളെ അണിനിരത്തി ജനപിന്തുണ ഉറപ്പാക്കാനാണ് പാർട്ടിയുടെ തീരുമാനം. വിവിധ മേഖലകളിൽ നിന്നുള്ള 300 പ്രമുഖ വനിതകളെ ഉൾപ്പെടുത്തി വനിതാസംവരണത്തിന് അനുകൂലമായ സംയുക്ത പ്രസ്താവന ഉടൻ പുറത്തിറക്കും. ജില്ലകളിലെ പ്രമുഖരായ സ്ത്രീകളെ നേരിൽ കണ്ട് വനിതാസംവരണത്തിന്റെ പ്രാധാന്യത്തെക്കുറിച്ച് അവരുടെ പ്രതികരണങ്ങൾ ശേഖരിക്കുകയും അത് സോഷ്യൽ മീഡിയയിലൂടെ പ്രചരിപ്പിക്കുകയും ചെയ്യും. വ്യാഴാഴ്ച തിരുവനന്തപുരത്ത് പതിനായിരം പേർ പങ്കെടുക്കുന്ന ‘മഹിളാമുന്നേറ്റ യാത്ര’ സംഘടിപ്പിക്കും. തുടർന്ന് എല്ലാ സംഘടനാ ജില്ലകളിലും യാത്രകൾ നടക്കും. ഇതിനു പുറമെ 25 മുതൽ അഞ്ചുദിവസം നീളുന്ന മണ്ഡലതല ജാഥകളും പൊതുയോഗങ്ങളും നടക്കും. വനിതാസംവരണ വിഷയം ഗ്രാമതലങ്ങളിലേക്ക് എത്തിക്കുന്നതിനായി ബി.ജെ.പിക്ക് ചുരുങ്ങിയത് രണ്ട് പ്രതിനിധികളെങ്കിലുമുള്ള തദ്ദേശ സ്വയംഭരണ സ്ഥാപനങ്ങളിൽ ബിൽ അട്ടിമറിച്ചതിനെതിരെ പ്രമേയം അവതരിപ്പിക്കാൻ പാർട്ടി നിർദേശം നൽകി.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
