ഡല്ഹി : ആരോഗ്യ സേതു ആപ്പിന് രൂപം കൊടുത്തത് ആരെന്ന് അറിയില്ലെന്ന് കേന്ദ്ര സര്ക്കാര്. വിവരാവകാശ നിയമപ്രകാരം നല്കിയ അപേക്ഷയ്ക്കാണ് കേന്ദ്ര ഇലക്ട്രോണിക്സ് മന്ത്രാലയത്തിന്റെ വിചിത്ര മറുപടി. മന്ത്രാലയത്തിന്റെ മറുപടി അസംബന്ധമാണ്. രൂപകല്പന ചെയ്തതും വികസിപ്പിച്ചതും നാഷണല് ഇന്ഫോമാറ്റിക് സെന്റര് ആണെന്നാണ് ആരോഗ്യ സേതു ആപ്പിന്റെ വെബ്സൈറ്റില് പറയുന്നത്. പിന്നെയെങ്ങനെയാണ് ആപ്പിന് രൂപം നല്കിയവരെക്കുറിച്ച് വിവരമില്ലെന്ന് പറയുന്നതെന്ന് വിവരാവകാശ കമ്മീഷന് കാരണം കാണിക്കല് നോട്ടീസില് ചോദിച്ചു. അപേക്ഷകനായ സൗരവ് ദാസ് നല്കിയ പരാതിയില് ഇലക്ട്രോണിക്സ് മന്ത്രാലയത്തിന്റെ ചീഫ് പബ്ലിക് ഇന്ഫര്മേഷന് ഓഫീസറോട് കേന്ദ്ര വിവരാവകാശ കമ്മീഷന് വിശദീകരണം തേടി. അടുത്തമാസം 24ന് കമ്മീഷന് മുന്പാകെ ഹാജരായി വിശദീകരണം നല്കണം.
ആപ് നിര്മിച്ചതുമായി ബന്ധപ്പെട്ട മുഴുവന് ഫയലുകളും പക്കലില്ലെന്ന് നാഷണല് ഇന്ഫോമാറ്റിക്സ് സെന്റര്. ഐടി മന്ത്രാലയം, ദേശീയ ഇഗവേണന്സ് ഡിവിഷനു ചോദ്യം കൈമാറിയെങ്കിലും വിവരം തങ്ങളുടെ വിഭാഗവുമായി ബന്ധപ്പെട്ടതല്ല എന്നായിരുന്നു മറുപടി നല്കിയത്. ഇതെത്തുടര്ന്ന് ആരാണ് ആരോഗ്യസേതു ആപ് നിര്മിച്ചതെന്ന് വ്യക്തമാക്കണമെന്ന് വിവരാവകാശ കമ്മീഷന് കേന്ദ്ര സര്ക്കാരിനോട് ആവശ്യപ്പെട്ടു. വെബ്സൈറ്റിനെക്കുറിച്ച് അറിവില്ലെങ്കില് എങ്ങനെയാണ് സര്ക്കാരിന്റെ ഡൊമൈനില് വെബ്സൈറ്റ് നിര്മിച്ചതെന്നും കമ്മീഷന് ചോദിച്ചു.
വിവരങ്ങള് നിഷേധിക്കുന്നത് അംഗീകരിക്കാന് സാധിക്കില്ല. ചീഫ് പബ്ലിക് ഇന്ഫര്മേഷന് ഓഫീസര്ക്കും ദേശീയ ഇ ഗവേണന്സ് ഡിവിഷനും വിവരാവകാശ കമ്മിഷന് നോട്ടിസ് അയച്ചു. എന്തുകൊണ്ടാണ് സര്ക്കാര് നിരുത്തരവാദിത്തപരമായി മറുപടി നല്കുന്നത്.
