ഡൽഹി : തന്റെ ഓഫീസിലെ മുൻ ജീവനക്കാരിയെ ലൈംഗിക പീഡനത്തിന് ഇരയാക്കിയെന്ന പരാതിയിൽ ഒരു സ്വകാര്യ കമ്പനിയുടെ സിഇഒയ്ക്കെതിരെ പോലീസ് കേസ് എടുത്തു. ഇന്ത്യൻ വംശജയും അമേരിക്കൻ പൌരയുടെ പരാതിയിലാണ് ഡൽഹി പൊലീസിന്റെ നടപടി. ഡൽഹിയിലെ ഒരു പഞ്ചനക്ഷത്ര ഹോട്ടലിലേക്ക് വിളിച്ച് വരുത്തിയാണ് തന്നെ സിഇഒ ബലാത്സംഗം യുവതി ഡൽഹി പൊലീസിൽ നൽകിയ പരാതിയിൽ പറയുന്നു. 2023 സെപ്തംബർ 14ന് ചാണക്യപുരി ജില്ലയിലെ ഒരു പഞ്ചനക്ഷത്ര ഹോട്ടലിലാണ് സംഭവം നടന്നത്.
തന്റെ കമ്പനിയിലെ അസിസ്റ്റന്റ് മാനേജരായി പ്രവർത്തിച്ചിരുന്ന യുവതിയെ താൻ താമസിച്ചിരുന്ന സിഇഒ ഫൈവ് സ്റ്റാർ ഹോട്ടലിലേക്ക് വിളിച്ച് വരുത്തുകയായിരുന്നു. യുവതിയുടെ അമ്മാവന്റെ സുഹൃത്തായിരുന്ന സിഇഒ ആണ് ഇവർക്ക് കമ്പനിയിൽ ജോലി കിട്ടാൻ സഹായിച്ചിരുന്നത്. ഒഫീഷ്യൽ മീറ്റിംങിനെന്ന വ്യാജേനയാണ് ഇയാള് യുവതിയെ ഹോട്ടലിലേക്ക് വിളിച്ച് വരുത്തിയതെന്ന് പോലീസ് പറയുന്നു.
