കൊല്ലം : കൊല്ലം ജില്ലയിലെ ആശ്രാമം പിഡബ്ല്യുഡി വനിതാ ഹോസ്റ്റലില് കൊറോണ നിരീക്ഷണ കേന്ദ്രത്തില് നിരീക്ഷണത്തിലിരുന്നയാള് നേഴ്സുമാരെ ആക്രമിച്ചു. നിരീക്ഷണ കേന്ദ്രത്തിന്റെ ജനല്ചില്ലുകളും തകര്ത്തു. ആക്രമണത്തില് നേഴ്സുമാര്ക്കും നിരീക്ഷണത്തില് കഴിഞ്ഞിരുന്ന കുണ്ടറ സ്വദേശിക്കും പരിക്കേറ്റു.
ഇയാള് മാനസികാസ്വാസ്ഥ്യം നേരിടുന്നയാളാണെന്നും എന്നാല് അത് മറച്ചുവച്ചുവെന്നും അധികൃതര് വ്യക്തമാക്കി. സംഭവമറിഞ്ഞ് ജില്ലാ ഭരണാധികാരികളും ആരോഗ്യ വകുപ്പധികൃതരും സ്ഥലത്തെത്തി. ഇയാളുടെ ആരോഗ്യസംബന്ധമായ രേഖകള് പരിശോധിക്കുന്നതിന്റെ ഭാഗമായി ബന്ധുക്കളെ വിളിപ്പിച്ചിട്ടുണ്ട്. വിശദ പരിശോധനയ്ക്കു ശേഷം തുടര്നടപടി.