പത്തനംതിട്ട : പത്തനംതിട്ട ജില്ലാ റോളർ സ്കേറ്റിംഗ് അസ്സോസിയേഷന്റെ ആഭിമുഖ്യത്തിൽ നടത്തുന്ന ജില്ലാ റോളർ സ്കേറ്റിംഗ് ചാമ്പ്യൻഷിപ് പത്തനംതിട്ട പോലീസ് സബ് ഇൻസ്പെക്ടർ അനീഷ് എബ്രഹാം ഉദ്ഘാടനം ചെയ്തു. ജില്ലാ പ്രസിഡന്റ് ആർ. പ്രസന്നകുമാര് അധ്യക്ഷത വഹിച്ചു. ജില്ലാ സെക്രട്ടറി മിലിന്ദ് വിനായക്, സ്പോർട്സ് കൗൺസിൽ നോമിനി മനോജ് വിനായക, ജില്ലാ ട്രഷറർ അഫ്സൽ എസ്., ജില്ല കമ്മിറ്റി അംഗങ്ങളായ സുകു റാന്നി, മാത്യൂസ് തിരുവല്ല തുടങ്ങിയവർ സംസാരിച്ചു.
20 ആം തീയതി പത്തനംതിട്ട റിംഗ് റോഡിൽ റോഡ് മത്സരങ്ങൾ ആരംഭിക്കും. ജില്ലാ സ്പോർട്സ് കൗൺസിൽ പ്രസിഡന്റ് കെ.അനിൽ കുമാർ ഉത്ഘാടനം ചെയ്യും. 25, 26 തീയതികളിൽ ആർട്ടിസ്റ്റിക് മത്സരങ്ങൾ നാഷണൽ യു.പി.സ്കൂളിലും 27 ആം തീയതി മഡോണ ഇന്റർനാഷണൽ റെസിഡൻഷ്യൽ സ്കൂളിൽ ഇൻലൈൻ ആൽപൈൻ ഡൗൺ ഹിൽ റോളർ ഹോക്കി റോളർ ഡെർബി മത്സരങ്ങളും നടക്കും.
