ന്യൂഡല്ഹി : അച്ഛന് കരള് പകുത്തു നൽകാൻ അനുവാദം തേടി പതിനേഴുകാരൻ സുപ്രീംകോടതില്. ഗുരുതര രോഗം ബാധിച്ചു കഴിയുന്ന അച്ഛന് കരള് പകുത്തു നൽകാൻ അനുവാദം തേടിയത്. വിഷയത്തിൽ കോടതി ഉത്തർപ്രദേശ് സർക്കാരിന് നോട്ടിസ് അയച്ചു. കേസ് പരിഗണിക്കുന്ന തിങ്കളാഴ്ച കോടതിയിൽ ഹാജരാകാൻ ഉത്തർപ്രദേശിലെ ആരോഗ്യ വകുപ്പിന് നിർദേശവും നല്കിയിട്ടുണ്ട്.
പതിനേഴുകാരന്റെ പ്രാഥമിക ആരോഗ്യ പരിശോധന നടത്താനും കോടതി നിർദേശം നല്കി. കുട്ടി ചെറുപ്പമായതിനാൽ രാജ്യത്തെ അവയവദാന നിയമങ്ങൾ തടസമായേക്കും. പിതാവ് ഗുരുതരാവസ്ഥയില് ആയതിനാല് കരള് മാറ്റ ശസ്ത്രക്രിയ നടത്തണമെന്നാണ് ഡോക്ടര്മാര് അറിയിച്ചതിനെത്തുടര്ന്നാണ് സ്വന്തം പിതാവിന്റെ ജീവന് പിടിച്ച് നിര്ത്താനുള്ള മാര്ഗം തേടി കുട്ടി കോടതിയെ സമീപിച്ചത്.
