പത്തനംതിട്ട : കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ പന്തളം മണ്ഡലം കൺവെൻഷൻ നടത്തി. സർവീസ് പെൻഷൻകാരുടെ അവകാശങ്ങൾക്ക് നേരെ നിഷേധാത്മകമായ സമീപനം സ്വീകരിക്കുകയും നിലവിലുള്ള ആനുകൂല്യങ്ങൾ ഒന്നായി കവർന്നെടുക്കുകയും ചെയ്യുന്ന പിണറായി സർക്കാരിനെതിരെ ശക്തമായ സമരപരിപാടികൾ ആവിഷ്കരിക്കാൻ മണ്ഡലം കൺവെൻഷൻ തീരുമാനിച്ചു. പെൻഷൻ പരിഷ്കരണ നടപടികൾ ഉടൻ ആരംഭിക്കുക, 2019 ലെ പെൻഷൻ പരിഷ്കരണത്തിലെ കുടിശ്ശികയായ രണ്ട് ഗഡു ബി ആർ ഉടൻ അനുവദിക്കുക പെൻഷൻകാരുടെ ശ്യാമാശ്വാസ കുടിശിക ഉടൻ അനുവദിക്കുക, മെഡിസിപ്പിലെ അപാകതകൾ പരിഹരിക്കുക, പ്രീമിയം ഉയർത്തുവാനുള്ള തീരുമാനം പിൻവലിക്കുക തുടങ്ങിയ ആവശ്യങ്ങൾ സർക്കാരിന്റെ ശ്രദ്ധയിൽ കൊണ്ടുവരുവാൻ യോഗം തീരുമാനിച്ചു.
മണ്ഡലം പ്രസിഡണ്ട് അലക്സി തോമസ് അധ്യക്ഷത വഹിച്ചു സംസ്ഥാന കമ്മിറ്റി അംഗം ആർ. മോഹൻ കുമാർ കൺവെൻഷൻ ഉദ്ഘാടനം ചെയ്തു. ജില്ലാ ട്രഷറർ വൈ റഹീം റാവുത്തർ, കോൺഗ്രസ് മണ്ഡലം പ്രസിഡണ്ട് ശ്രീ ഷേരീഫ്, മഹിളാ കോൺഗ്രസ് മണ്ഡലം പ്രസിഡണ്ട് ശ്രീമതി ശാന്തി സുരേഷ്, റ്റി. രാജൻ, പി. കെ. രാജൻ, പി. കെ. രഞ്ജൻ, രാധാകൃഷ്ണപിള്ള, കെ കെ ജോസ്, എ വി സ്റ്റീഫൻ, ജേക്കബ് സി ഡാനിയൽ, അനിൽ കോശി, ജോർജ് തോമസ്, ചെല്ലമ്മ, തങ്കമണി സി പിള്ള, സോമിനി, മോഹനൻ പിള്ള തുടങ്ങിയവർ സംസാരിച്ചു. 2025 – 26 വർഷത്തെ പുതിയ ഭാരവാഹികളായി പ്രസിഡണ്ട് അലക്സി തോമസ്, സെക്രട്ടറി രാധാകൃഷ്ണപിള്ള, ട്രഷറർ കെ കെ ജോസ് എന്നിവരെയും തിരഞ്ഞെടുത്തു.
