കോന്നി : സംസ്ഥാന പാതയിലെ നടപാതകളിൽ സുരക്ഷ വേലി സ്ഥാപിക്കാത്തത് അപകട ഭീഷണിയാകുന്നു. പുനലൂർ മൂവാറ്റുപുഴ സംസ്ഥാന പാതയിലെ നടപാതയുടെ ഒരു വശത്ത് മാത്രമാണ് വേലി സ്ഥാപിച്ചിരിക്കുന്നത്. ചിലയിടങ്ങളിൽ താഴ്ചയേറിയ ഭാഗം ഉള്ളതിനാൽ ഇവിടെ കാൽ നട യാത്രക്കാർ തെന്നി വീണ് അപകടം സംഭവിക്കാനുള്ള സാധ്യത ഏറെയാണ്. നടപാതയിൽ സ്ഥാപിച്ചിരിക്കുന്ന ഇന്റർലോക്ക് കട്ടകളിൽ മഴക്കാലത്ത് ആളുകൾ തെന്നി വീഴുന്നുമുണ്ട്. മാത്രമല്ല നിർമ്മാണം പൂർത്തിയാകുന്നതിന് മുൻപ് തന്നെ പലയിടത്തും ഇന്റർലോക്ക് കട്ടകൾ പൊട്ടിയിട്ടുമുണ്ട്. സ്കൂൾ കുട്ടികൾ അടക്കമുള്ളവർ ഇതുവഴിയാണ് നടന്നുപോകുന്നത്. ഇത് വലിയ ഭീഷണി ഉയർത്തുകയാണ്. കോന്നി മുതൽ കലഞ്ഞൂർ വരെയുള്ള ഭാഗങ്ങളിൽ ഇതാണ് അവസ്ഥ. ഇത്തരം സ്ഥലങ്ങളിൽ വേലി സ്ഥാപിച്ച് അപകടഭീഷണി ഒഴിവാക്കണം എന്നും ആവശ്യമുയരുന്നു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
