പാലക്കാട് : പാലക്കാട് കോട്ടയുടെ ചിത്രം വരയ്ക്കാനെത്തിയ ചിത്രകാരനെ അപമാനിച്ചതായി പരാതി. കോട്ടയുടെ പുറത്ത് നിന്ന് ചിത്രം പകര്ത്തിക്കൊണ്ടിരുന്ന സൂരജിനെയാണ് ജീവനക്കാര് തടസപ്പെടുത്തിയത്. സ്റ്റാന്റ് ഉപയോഗിച്ച് ചിത്രം വരക്കാനാകില്ലെന്നും ക്യാന്വാസ് കയ്യില് വച്ച് വരക്കാനും അനുവദിക്കില്ലെന്നും ജീവനക്കാര് പറഞ്ഞതായാണ് പരാതിയില് ഉള്ളത്. മൊബൈലില് ചിത്രങ്ങളും വീഡിയോകളും പകര്ത്തുന്നതിന് നിയന്ത്രണമില്ലെന്നിരിക്കെയാണ് ചിത്രം വര തടസപ്പെടുത്തിയത്. വിദേശരാജ്യങ്ങളിലടക്കം യാത്ര ചെയ്ത് തത്സമയ ചിത്രങ്ങള് വരക്കുന്നയാളാണ് പാലക്കാട് സ്വദേശി സൂരജ് ബാബു.
