കോട്ടയം : മാമ്പഴം മോഷ്ടിച്ച പോലീസ് ഉദ്യോഗസ്ഥൻ പീഡനക്കേസിലും പ്രതി. സിപിഒ ഷിഹാബ് കാഞ്ഞിരപ്പള്ളി ജനറൽ ആശുപത്രിയിലെ ജീവനക്കാരിയെ വിവാഹ വാഗ്ദാനം നൽകി പീഡിപ്പിച്ച കേസിൽ അറസ്റ്റ് ചെയ്ത് റിമാൻഡിൽ കഴിഞ്ഞിരുന്നു. 2019ൽ മുണ്ടക്കയം പോലീസ് രജിസ്റ്റർ ചെയ്ത കേസിൽ വിചാരണ നടക്കുകയാണ്. പരാതിക്കാരിയെ ഭീഷണിപ്പെടുത്തുകയും ഉപദ്രവിക്കാൻ ശ്രമിച്ചതിനും ഷിഹാബിനെതിരെ മുണ്ടക്കയം പോലീസ് കേസെടുത്തിട്ടുണ്ട്.
ശബരിമല സീസൺ കാലത്ത് സുഗമമായ ദർശനം വാഗ്ദാനം ചെയ്തു ഭക്തരിൽ നിന്ന് പണം വാങ്ങിയത് ഡ്യൂട്ടിയിലില്ലാത്ത സമയത്തും യൂണിഫോമിൽ പുറത്തിറങ്ങിയുള്ള ഇടപാടുകൾ പാറമട മാഫിയകളുമായുള്ള ബന്ധം, ആരോപണങ്ങളും പരാതികളും ഉണ്ട്. ഇതിലൊക്കെ അന്വേഷണം കാര്യക്ഷമമല്ലെന്ന് വിമർശനം സേനയിൽ നിൽക്കെയാണ് മോഷണവും സസ്പെൻഷനും വരുന്നത്.
