അഞ്ചല് : വിദ്യാര്ഥിനിയെ നിരന്തരമായി ശല്യം ചെയ്തുവന്ന യുവാവിനെ ഏരൂര് പോലീസ് അറസ്റ്റ് ചെയ്തു. ഏരൂര് തെക്കേവയല് ബിനു വിലാസത്തില് വിനോദ് (26) ആണ് അറസ്റ്റിലായത്. ബന്ധുക്കള് വിനോദിനെ പലതവണ താക്കീത് ചെയ്തെങ്കിലും ശല്യപ്പെടുത്തല് തുടര്ന്നു. ഇതേത്തുടര്ന്ന് കഴിഞ്ഞ ദിവസം പെണ്കുട്ടിയുടെ ഇളയച്ഛന് വിനോദിനെ ചോദ്യംചെയ്തു. ഇതില് പ്രകോപിതനായി വിനോദ് അദ്ദേഹത്തെ മര്ദ്ദിച്ചു. പരാതിയെത്തുടര്ന്ന് എസ്.ഐ ശരലാല്, ഗ്രേഡ് അസി.എസ്.ഐ ശിവപ്രസാദ്, സീനിയര് സിവില് പോലീസ് ഓഫിസര്മാരായ അനില്കുമാര്, രാജീവ് എന്നിവരടങ്ങിയ സംഘമാണ് വിനോദിനെ തെക്കേവയലില് നിന്നും കസ്റ്റഡിയിലെടുത്തത്. പുനലൂര് കോടതിയില് ഹാജരാക്കി റിമാന്ഡ് ചെയ്തു.
വിദ്യാര്ഥിനിയെ നിരന്തരമായി ശല്യം ചെയ്ത യുവാവിനെ ഏരൂര് പോലീസ് അറസ്റ്റ് ചെയ്തു
RECENT NEWS
Advertisment