പത്തനംതിട്ട: എഴുത്തുകൂട്ടം സാംസ്കാരികവേദിയുടെയും പുത്തൻകാവ് മാത്തൻ തരകൻ ട്രസ്റ്റിന്റേയും നേതൃത്വത്തിൽ മഹാകവി പുത്തൻകാവ് മാത്തൻ തരകൻ അനുസ്മരണവും വിശ്വദീപം അവാർഡ് സമർപ്പണവും നടത്തി. അനുസ്മരണ സമ്മേളനം സാഹിത്യകാരൻ സക്കറിയ ഉദ്ഘാഘാടനം ചെയ്തു. യോഗത്തിൽ
പുത്തൻകാവ് മാത്തൻ തരകൻ ട്രസ്റ്റ് ഏർപ്പെടുത്തിയിട്ടുള്ള ഈ വർഷത്തെ വിശ്വദീപം പുരസ്കാരം സക്കറിയയ്ക്ക് എം.ജി. സർവ്വകലാശാല സ്കൂൾ ഓഫ് കമ്മ്യൂണിക്കേഷൻ മുൻ ഡയറക്ടർ മാടവന ബാലകൃഷ്ണപിള്ള സമ്മാനിച്ചു. ട്രസ്റ്റ് ചെയർമാൻ ഡോ.പോൾ മണലിൽ അധ്യക്ഷത വഹിച്ചു. പുത്തൻകാവ് മാത്തൻ തരകൻ സ്മാരകപ്രഭാഷണം ഡോ. ജോസ് പാറക്കടവിൽ നിർവഹിച്ചു.
ട്രസ്റ്റ് സെക്രട്ടറി ഫാ. ബിജു പി. തോമസ്, എഴുത്തുകൂട്ടം സാംസ്കാരികവേദി പ്രസിഡൻ്റ് പ്രീത് ചന്ദനപ്പള്ളി, സെക്രട്ടറി ഡോ. നിബുലാൽ വെട്ടൂർ, ട്രഷറർ ഹരീഷ് റാം, ജോയിൻ്റ് സെക്രട്ടറി ആശാ കുറ്റൂർ, എഴുത്തുകാരായ ഡോ. തോമസ് കുരുവിള, വിനോദ് ഇളകൊള്ളൂർ, സി.എസ്. മണിലാൽ, ഡോ. മേരി മാമ്മൻ എന്നിവർ പ്രസംഗിച്ചു. യോഗത്തിൽ സി.എസ്. മണിലാലിൻ്റെ ‘ഇലങ്കൈമരങ്ങൾ’, പ്രീത് ചന്ദനപ്പള്ളിയുടെ ‘ഗെമാറ മഗ്ദലേനയുടെ (സു)വിശേഷം’ എന്നീ നോവലുകൾ സക്കറിയ പ്രകാശനം ചെയ്തു. ഡോ. പോൾ മണലിൽ പുസ്തകങ്ങൾ ഏറ്റുവാങ്ങി. കവിസമ്മേളനത്തിൽ കവി വാഴമുട്ടം മോഹനൻ അധ്യക്ഷത വഹിച്ചു.
