മല്ലപ്പള്ളി : കാട്ടുപന്നിയുടെ ശല്യം രൂക്ഷമാകുന്നു. കൊറ്റനാട്, പെരുമ്പെട്ടി, വഞ്ചി കപ്പാറ പ്രദേശങ്ങളിൽ വ്യാപകമായി കാട്ടുപന്നികള് കൃഷി നശിപ്പിച്ചു. കഴിഞ്ഞ ദിവസം കച്ചിറക്കൽ കുഞ്ഞോമാച്ചന്റെ തൊടിയിലെ ചേമ്പ് കൃഷി പൂർണ്ണമായും പന്നി നശിപ്പിച്ചു. മറ്റ് കൃഷി വിളകൾക്കും നാശം വരുത്തിയിട്ടുണ്ട്. പുരയിടത്തിലെ സംരക്ഷണ ഭിത്തികൾ നശിപ്പിച്ചാണ് കാട്ടുപന്നികൾ ആക്രമണം നടത്തുന്നത്. പ്രദേശത്ത് കൃഷി നാശം രൂക്ഷമായതോടെ കർഷകർ ദുരിതത്തിലായിരിക്കുകയാണ്.
