പത്തനംതിട്ട : ജില്ലാ പഞ്ചായത്ത് കോഴഞ്ചേരി ഡിവിഷനിൽ നിന്നും വിജയിച്ച കെ.പി.സി.സി സെക്രട്ടറി അനീഷ് വരിക്കണ്ണാമല, മലയാലപ്പുഴ, പള്ളിക്കൽ എന്നിവിടങ്ങളിൽ നിന്ന് വിജയിച്ച എം.വി അമ്പിളി, ശ്രീനാദേവി കുഞ്ഞമ്മ എന്നിവർക്ക് ജില്ലാ കോൺഗ്രസ് കമ്മിറ്റി ഓഫീസായ പത്തനംതിട്ട രാജീവ് ഭവനിൽ സ്വീകരണം നല്കി. ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പിൽ, കെ.പി.സി.സി രാഷ്ട്രീയകാര്യ സമിതി അംഗം പന്തളം സുധാകരൻ എന്നിവർ വിജയികളെ ത്രിവർണ്ണ ഷാൾ അണിയിച്ച് സ്വീകരിച്ചു.
മുൻ എം.എൽ.എ മാലേത്ത് സരളാദേവി, ഡി.സി.സി വൈസ് പ്രസിഡന്റ് വെട്ടൂർ ജ്യോതിപ്രസാദ്, സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം, ജനറൽ സെക്രട്ടറിമാരായ റോജി പോൾ ഡാനിയേൽ, ജോൺസൺ വിളവിനാൽ, നേതാക്കളായ തോപ്പിൽ ഗോപകുമാർ, അബ്ദുൾ കലാം ആസാദ്, നഹാസ് പത്തനംതിട്ട, അജിത് മണ്ണിൽ, വിമൽ കൈതക്കൽ, കെ.ജി മുകന്ദൻ, അലൻ ജിയോ മൈക്കിൾ, അഫ്സൽ വി.ഷെയ്ക്ക്എന്നിവർ പ്രസംഗിച്ചു.
