റാന്നി: മാടമണ് ശ്രീനാരായണ കണ്വന്ഷനില് നടന്ന വനിതാ സമ്മേളനം ജന പങ്കാളിത്തംകൊണ്ട് ശ്രദ്ധ നേടി. സ്ത്രീകൾക്കും കുട്ടികൾക്കും പുറമെ പുരുഷന്മാരുടെ സാന്നിധ്യവും സമ്മേളത്തിന് ഉണ്ടായിരുന്നു. സമ്മേളനം റാന്നി യൂണിയൻ അഡ്മിനിസ്ട്രേറ്റർ അഡ്വ. മണ്ണടി മോഹനൻ ഉദ്ഘാടനം ചെയ്തു. റാന്നി യൂണിയൻ വനിതാസംഘം അഡ്ഹോക്ക് കമ്മിറ്റി ചെയർപേഴ്സൺ ഇന്ദിര മോഹൻദാസ് അധ്യക്ഷത വഹിച്ചു. ‘ശ്രീനാരായണ ധർമ്മം കുടുംബ ജീവിതത്തിൽ’ എന്ന വിഷയത്തിൽ എസ്.എൻ.ഡി.പി യോഗം അസിസ്റ്റന്റ് സെക്രട്ടറി വനജ വിദ്യാധരൻ പഠന ക്ലാസ് നയിച്ചു.
കുടുംബങ്ങളിൽ ആത്മീയത കുറഞ്ഞു വരുന്നെന്നും വരും തലമുറയെ ബാലജനയോഗങ്ങളിൽ ഉൾപ്പെടെ പങ്കെടുപ്പിച്ച് ആത്മീയ പഠനങ്ങൾ നടത്തണമെന്നും പഠന ക്ലാസ് നയിച്ചുകൊണ്ട് അവർ പറഞ്ഞു. കെ.പി.സി.സി ജനറൽ സെക്രട്ടറി അഡ്വ. പഴകുളം മധു, അജിത ബിജു, മണിയമ്മ ചന്ദ്രൻ, ഷീബ സജി കരികുളം, ഷൈലജ മോതിരവയൽ, ഓമന സന്തോഷ് ഇടമുറി, ഉഷാ കലേഷ് വലിയകുളം, വത്സലാ സുരേന്ദ്രൻ ചിറ്റാർ, കെ.പി രാധാമണി, മിനി വിശ്വംഭരൻ, നിർമ്മല ജനാർദ്ദനൻ എന്നിവര് പ്രസംഗിച്ചു.
