കോന്നി : കലഞ്ഞൂർ പാടം പടയണിപ്പാറയിൽ പൂട്ടി ഇട്ടിരുന്ന വീട്ടിൽ നിന്നും പണവും സ്വർണവും മോഷ്ടാക്കൾ കവർന്നു. കലഞ്ഞൂർ പാടം പടയണിപ്പാറ നെല്ലിക്കുന്നിൽ ഗോമാതിയുടെ വീട്ടിൽ ആണ് മോഷണം നടന്നത്. സമീപത്തെ ക്ഷേത്രത്തിൽ ഉത്സവത്തിന് പോയ വീട്ടുകാർ തിരികെ എത്തിയപ്പോൾ ആണ് മോഷണ വിവരം പുറത്ത് അറിഞ്ഞത്. വീടിന്റെ ജനൽ പൊളിച്ചു അകത്ത് കടന്നാണ് മോഷണം നടത്തിയത്. അഞ്ച് പവൻ സ്വർണവും പതിനയ്യായിരം രൂപയും നഷ്ടപെട്ടിട്ടുണ്ട്. കൂടൽ സി ഐ പുഷ്പകുമാറിന്റെ നേതൃത്വത്തിൽ ഉള്ള പോലീസ് സംഘം സ്ഥലത്ത് എത്തി അന്വേഷണം നടത്തി.
