പത്തനംതിട്ട : സാമൂഹികപ്രവർത്തക ഡോ.എം. എസ്. സുനിലിന്റെ നേതൃത്വത്തിൽ നിർമ്മിച്ച് നൽകപ്പെട്ട 248 സ്നേഹഭവനങ്ങളിലെ കുട്ടികളുടെ ഉന്നമനത്തിനും വിദ്യാഭ്യാസത്തിനുമായി നടത്തപ്പെടുന്ന വിവിധ സഹായ പദ്ധതികളെ ഉൾപ്പെടുത്തിക്കൊണ്ടുള്ള ഉയരെ 2022 പത്തനംതിട്ട മുൻസിപ്പൽ ടൗൺ ഹാളിൽ വച്ച് നടത്തിയ ചടങ്ങിൽ ഡോ.എം. എസ്.സുനിൽ ഉദ്ഘാടനം നിർവഹിച്ചു.
ദിശ ദുബായുടെ സഹായത്താൽ തിരഞ്ഞെടുക്കപ്പെട്ട 110 കുടുംബങ്ങൾക്ക് ഭക്ഷ്യ ധാന്യ കിറ്റുകളും കുട്ടികൾക്കായി കുട ഉൾപ്പെടെയുള്ള പഠനോപകരണങ്ങളും നൽകുകയും ചെയ്തു. ചടങ്ങിൽ ബോബൻ അലോഷ്യസ്, ഡോ.എം. എസ്.സുനിൽ ഫൗണ്ടേഷൻ പ്രോജക്ട് മാനേജർ കെ.പി. ജയലാൽ , ടിയാര ബോബൻ , ആര്യ സി. എൻ., അജു മാത്യു , സന്ദീപ് എസ് , ജോബിൻ. എസ്, എന്നിവർ പ്രസംഗിച്ചു.
