മരട് : റോഡരികില്‍ പാര്‍ക്ക് ചെയ്യുന്ന വാഹനങ്ങള്‍ മോഷ്ടിക്കുകയും മോഷ്ടിച്ചവരില്‍നിന്ന് വാഹനങ്ങള്‍ വാങ്ങി പൊളിച്ചു വില്‍ക്കുകയും ചെയ്യുന്ന സംഘത്തിലെ ആറുപേര്‍ പിടിയില്‍. കാസര്‍കോട് ബദിയടുക്ക അരിയപ്പാടി കൊട്ടവീട്ടില്‍ മുഹമ്മദ് അഷ്‌റഫ് (43), കോഴിക്കോട് അന്‍വാര്‍ശേരി മാക്കൂട്ടം കോളനി രതീഷ് (40), കാഞ്ഞിരമറ്റം നടത്തിപ്പറമ്പില്‍ വീട്ടില്‍ ഷിഹാബുദ്ദീന്‍ (35), തലയോലപ്പറമ്പ് കരിപ്പാലം പാലക്കല്‍ വീട്ടില്‍ ഷബീബ് (43), വൈക്കം കരിപ്പാടം കളപ്പുരയില്‍ വീട്ടില്‍ നൗഫല്‍ (44), തമിഴ്‌നാട് സ്വദേശിയും വൈക്കത്ത് വാടകക്ക് താമസിക്കുന്നയാളുമായ മാരിമുത്തു (57) എന്നിവരെയാണ് പനങ്ങാട് പോലീസ് പിടികൂടിയത്.
റോഡരികില്‍ തകരാര്‍മൂലം ഇടുന്ന വാഹനങ്ങളും വര്‍ക്ക് ഷോപ്പ് പരിസരത്ത് കിടക്കുന്നവയുമാണ് മോഷ്ടിച്ചിരുന്നത്. മുഹമ്മദ് അഷ്‌റഫും രതീഷും പുലര്‍ച്ച കാറില്‍ കറങ്ങിനടന്ന് വാഹനങ്ങള്‍ കണ്ടുവെക്കുകയും കാറില്‍തന്നെ കെട്ടിവലിച്ച്‌ കൊണ്ടുപോകുകയുമായിരുന്നു പതിവ്.
