താനൂര് : വിവിധ മോഷണക്കേസുകളില് പ്രതിയായ മിഠായി ബഷീര് എന്നറിയപ്പെടുന്ന പേരാമ്പ്ര ബഷീര് പിടിയില്. താനൂര് ഡിവൈഎസ്പി മൂസ വള്ളിക്കാടന്റെ നേതൃത്വത്തിലുള്ള പോലീസാണ് മലപ്പുറത്ത് വെച്ച് ഇയാളെ പിടികൂടിയത്. മോഷണം നടത്തിയ ശേഷം പെരുമ്പാവൂരില് ഒളിവില് കഴിഞ്ഞുവരികയായിരുന്നു ഇയാള്. ഇവിടെ ഇതര സംസ്ഥാന തൊഴിലാളികള്ക്കൊപ്പം ഹോട്ടലില് ജോലി ചെയ്തും മറ്റുമാണ് ഇയാള് ഒളിവില് കഴിഞ്ഞിരുന്നത്. കുട്ടികളെ മിഠായി കാണിച്ച് അടുത്തുവിളിച്ച് മാല പിടിച്ചുപറിക്കുന്നതാണ് ഇയാളുടെ രീതി. അങ്ങനെയാണ് മിഠായി ബഷീര് എന്ന വിളിപ്പേരായത്.
മോഷണ കുറ്റങ്ങളെല്ലാം ഇയാള് സമ്മതിച്ചു. മോഷ്ടിച്ച സാധനങ്ങള് വില്ക്കാന് സഹായിക്കുന്ന ബഷീറിന്റെ സുഹൃത്ത് കൊണ്ടോട്ടി മുതുവല്ലൂര് സ്വദേശി ഷംസുദ്ദീന് എന്നയാളെയും പോലീസ് പിടികൂടി. ഇയാളെ ചോദ്യം ചെയ്തതോടെയാണ് ബഷീര് ഒളിവില് കഴിയുന്നത് സംബന്ധിച്ച നിര്ണായക വിവരങ്ങള് പോലീസിന് കിട്ടിയത്. വയനാട് കോഴിക്കോട്, മലപ്പുറം ജില്ലകളിലടക്കം ഇരുവരും ചേര്ന്ന് മോഷണം നടത്തിയിട്ടുണ്ട്.
ജേര്ണലിസം പഠിച്ചവര്ക്ക് ഇന്റേൺഷിപ്പ്
പ്രമുഖ ഓണ് ലൈന് ന്യൂസ് പോര്ട്ടല് ആയ പത്തനംതിട്ട മീഡിയയില് ജേര്ണലിസം പഠിച്ചവര്ക്ക് ഇന്റേൺഷിപ്പ് ചെയ്യുവാന് അവസരം. പത്തനംതിട്ട ഓഫീസില് ആയിരിക്കും ഇന്റേൺഷിപ്പ് നല്കുക. പരിശീലന കാലത്ത് തങ്ങളുടെ കഴിവ് തെളിയിക്കുന്നവര്ക്ക് Eastindia Broadcasting Pvt. Ltd. ന്റെ കീഴിലുള്ള Pathanamthitta Media , News Kerala 24 എന്നീ ചാനലുകളില് വെബ് ജേര്ണലിസ്റ്റ്, അവതാരകര്, റിപ്പോര്ട്ടര് തുടങ്ങിയ തസ്തികകളില് ജോലി ലഭിക്കുന്നതിന് മുന്ഗണനയുണ്ടായിരിക്കും. താല്പ്പര്യമുള്ളവര് ബയോഡാറ്റ മെയില് ചെയ്യുക. [email protected] കൂടുതല് വിവരങ്ങള്ക്ക് വിളിക്കാം – 94473 66263, 85471 98263, 0468 2333033.
