ഇടുക്കി : തമിഴ് നാട്ടിലേയ്ക്കു രക്ഷപ്പെടാന് ശ്രമിച്ച തോട്ടം തൊഴിലാളികളില് മൂന്നു പേര് മരിച്ചു. നാലുപേര് ഗുരുതര പൊള്ളലോടെ ആശുപത്രിയില് . പൂപ്പാറയില് നിന്ന് കാട്ടിലൂടെ തമിഴ്നാട്ടിലെ തേനിയിലേക്ക് പോകാന് ശ്രമിച്ച ഒന്പത് തോട്ടം തൊഴിലാളികളാണ് കാട്ടുതീയില്പ്പെട്ടത്. തേനി സ്വദേശികളാണ് മരിച്ചത്. കോവിഡ് യാത്രാനിയന്ത്രണം കടുപ്പിച്ചതോടെയാണ് ഇവര് കാട്ടുവഴിയിലൂടെ പോകാന് ശ്രമിച്ചത്. ഇടുക്കിയിലെ തേയിലത്തോട്ടം തൊഴിലാളികളാണ് ഇവര്.
