മലപ്പുറം : ആര്.എം.പി. നേതാവ് ടി.പി. ചന്ദ്രശേഖരൻ കൊലപാതകക്കേസില് കോടതി കുറ്റക്കാരനെന്ന് കണ്ടെത്തിയ സി.പി.എം. പാനൂര് ഏരിയ കമ്മിറ്റി അംഗം പി.കെ. കുഞ്ഞനന്തന്റെ മരണത്തില് ദുരൂഹതയാരോപിച്ച് മുസ്ലിം ലീഗ് നേതാവ് കെ.എം. ഷാജി. ടി.പി. കൊലപാതകക്കേസില് നേതാക്കളിലേക്ക് എത്താന് കഴിയുന്ന ഏക കണ്ണിയായിരുന്നു കുഞ്ഞനന്തന്. കുഞ്ഞനന്തന് മരിച്ചത് ഭക്ഷ്യവിഷബാധയെത്തുടര്ന്നാണെന്നും കെ.എം. ഷാജി വ്യക്തമാക്കി.
‘കണ്ണൂരിലെ എല്ലാ രാഷ്ട്രീയക്കൊലപാതകങ്ങളിലും കൊന്നവര് കൊല്ലപ്പെട്ടിട്ടുണ്ട്. ഫസലിനെ കൊന്ന മൂന്നുപേര് മൃഗീയമായി കൊല്ലപ്പെട്ടതാണ്. കുറച്ചാളുകളെ കൊല്ലാന് വിടും. അവര് കൊന്നുകഴിഞ്ഞ് വരും. കുറച്ചുകഴിഞ്ഞ് ഇവരില്നിന്ന് രഹസ്യം ചോര്ന്നേക്കുമെന്ന ഭയംവരുമ്പോള് കൊന്നവരെ കൊല്ലും’, ഷാജി ആരോപിക്കുന്നു.
