തിരുവനന്തപുരം : സംസ്ഥാനം മഴക്കെടുതിയിലൂടെ കടന്നുപോകുമ്പോൾ മുഖ്യമന്ത്രി വിഡി സതീശൻ പൊന്നാനിയിൽ വിരുന്നുണ്ണാൻ പോയെന്നും ജ്വല്ലറി ഉദ്ഘാടനത്തിൽ പങ്കെടുത്തുവെന്നും, സർക്കാർ വാടകക്ക് എടുത്ത ഹെലികോപ്റ്ററിൽ സഞ്ചരിച്ചെന്നുമുൾപ്പെടെ നിരവധി വിവാദങ്ങൾ ഉയരുന്നതിനിടെ മുഖ്യമന്ത്രിയെ പിന്തുണച്ചെത്തിയിരിക്കുകയാണ് സന്തോഷ് പണ്ഡിറ്റ്. മുഖ്യമന്ത്രിക്കെതിരെ ഉയരുന്ന വിവാദം തികച്ചും അനാവശ്യമെന്നാണ് തന്റെ അഭിപ്രായമെന്ന് ഫേസ്ബുക്കിൽ പങ്കുവെച്ച കുറിപ്പിൽ അദ്ദേഹം പറയുന്നു. വിവാദം അനാവശ്യമാണെന്ന് താൻ പറയാനുള്ള കാരണങ്ങളും സന്തോഷ് പണ്ഡിറ്റ് പറയുന്നുണ്ട്.
പ്രളയം ഉണ്ടാക്കുന്നത് മുഖ്യമന്ത്രിയല്ലെന്നും നാട്ടിൽ ദുരന്തം നടക്കുമ്പോൾ ലോകത്ത് എവിടെയും മന്ത്രിമാരാരും നിരാഹാരം കിടന്ന ചരിത്രമൊന്നുമില്ലെന്നും സന്തോഷ് പണ്ഡിറ്റ് പറയുന്നു. ഇതുകൊണ്ടുതന്നെ ജനം വെള്ളത്തിൽ ആയപ്പോൾ മുഖ്യൻ വിരുന്ന് സൽക്കാരത്തിലും ജ്വലറി ഉടമയുടെ സൽക്കാരത്തിലും എന്ന വിമർശനം ഉടനെ അവസാനിപ്പിക്കണമെന്നും അദ്ദേഹം പറഞ്ഞു.
