തിരുവല്ല: തിരുവല്ല എം.ജി.എം ഹയർ സെക്കന്ററി സ്കൂളിൽ എല്ലാ വിദ്യാർത്ഥികൾക്കും ഓൺലൈൻ പഠന സൗകര്യം ഒരുക്കുക എന്ന ലക്ഷ്യത്തോടെ ആരംഭിച്ച “കൈത്താങ്ങ് 2021” പദ്ധതി അഡ്വ. മാത്യു ടി തോമസ് എം.എല്‍.എ ഉദ്ഘാടനം ചെയ്തു. പൂർവ്വ വിദ്യാർത്ഥികളും അദ്ധ്യാപകരും നൽകിയ 73 സ്മാർട്ട് ഫോണുകൾ ഓൺലൈൻ പഠന സൗകര്യം ഇല്ലാതിരുന്ന ലോവര്‍ പ്രൈമറി മുതൽ ഹയര്‍ സെക്കന്‍ഡറി വരെയുള്ള വിദ്യാർത്ഥികൾക്ക് വിതരണം ചെയ്തു.
പി.റ്റി.എ വൈസ് പ്രസിഡന്റ് പദ്മകുമാർ പി അധ്യക്ഷത വഹിച്ചു. ഓർത്തഡോക്സ് സഭാ സെക്രട്ടറി അഡ്വ ബിജു ഉമ്മൻ മുഖ്യപ്രഭാഷണം നടത്തി. പൂർവ്വ വിദ്യാർത്ഥി സംഘടനാ പ്രസിഡന്റ് ജേക്കബ് സി ജോൺ, ട്രഷറർ വർഗീസ് ജേക്കബ് മംഗലശേരിൽ , മുൻ ഹെഡ്മാസ്റ്റര്‍മാരായ വി. വർഗീസ്, റജി കെ മാത്യു, പ്രിൻസിപ്പാൾ നാൻസി വർഗിസ്, ഹെഡ്മിസ്ട്രസ് ജമീലാ ജോബ് പി, ഫാ.ഷിബു ടോം വർഗീസ് എന്നിവർ പ്രസംഗിച്ചു.
