ഇടുക്കി : തൊടുപുഴയില് പതിനേഴുകാരിയെ പീഡിപ്പിച്ച കേസില് പെണ്കുട്ടിയുടെ അമ്മ ഉള്പ്പെടെ രണ്ട് പേരെ പോലീസ് അറസ്റ്റ് ചെയ്തു. പെണ്കുട്ടിയുടെ അമ്മ, ഒളമറ്റം സ്വദേശി പ്രയേഷ് എന്നിവരാണ് അറസ്റ്റിലായത്. കേസില് കഴിഞ്ഞ ദിവസം പിടിയിലായ ആറ് പേര് റിമാന്ഡിലാണ്. കൂടുതല് പ്രതികള് പിടിയിലാകാനുണ്ടെന്ന് പോലീസ് പറഞ്ഞു. അമ്മയുടെയും മുത്തശ്ശിയുടെയും അറിവോടെയാണ് പെണ്കുട്ടിയെ പീഡനത്തിന് ഇരയാക്കിയതെന്നും ഇവര്ക്കെതിരെ കേസെടുക്കണമെന്നും ജില്ലാ ചൈല്ഡ് വെല്ഫെയര് കമ്മിറ്റി പോലീസിനോട് നിര്ദേശിച്ചിരുന്നു. സംഭവത്തില് മുത്തശ്ശിയുടെ പങ്ക് അന്വേഷിച്ചു വരികയാണെന്ന് പോലീസ് അറിയിച്ചു. കഴിഞ്ഞ ആഴ്ച വയറു വേദനയെ തുടര്ന്ന് ആശുപത്രിയില് ചികിത്സ തേടിയപ്പോഴാണ് പെണ്കുട്ടി ഗര്ഭിണിയാണെന്ന് അറിയുന്നത്.
