ലക്നൗ: രാഹുല് ഗാന്ധിയെ അയോഗ്യനാക്കിയതില് പ്രതിഷേധിച്ചു രാജ്യമെങ്ങും ‘സങ്കല്പ് സത്യഗ്രഹം’ നടത്തുന്ന കോണ്ഗ്രസിനെ വിമര്ശിച്ച് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. ജനാധിപത്യത്തെ ദുര്ബലപ്പെടുത്തിയവരാണു സത്യഗ്രഹം നടത്തുന്നതെന്നു യോഗി ആരോപിച്ചു. ”ഭാഷയുടെ അടിസ്ഥാനത്തില് രാജ്യത്തെ വിഭജിക്കുന്നവര്ക്കും പ്രാദേശികവാദത്തിനും സത്യാഗ്രഹം അനുഷ്ഠിക്കാന് കഴിയില്ല. ജനങ്ങളോട് അനുകമ്പയില്ലാത്ത ആര്ക്കും സത്യാഗ്രഹത്തില് ഏര്പ്പെടാന് അവകാശമില്ലെന്നും യോഗി പറഞ്ഞു.
പെരുമാറ്റവും ചിന്തകളും വാക്കുകളും പ്രവൃത്തികളും പരസ്പരം വ്യതിചലിക്കുന്ന ഒരാള്ക്ക് സത്യാഗ്രഹത്തില് ഏര്പ്പെടാന് കഴിയില്ലെന്ന് അദ്ദേഹം അഭിപ്രായപ്പെട്ടു. സ്വന്തം രാജ്യത്തെ അപലപിക്കുന്ന, രാജ്യത്തെ ധീര ജവാന്മാരോട് ആദരവും ബഹുമാനവും ഇല്ലാത്ത ഒരാള് സത്യാഗ്രഹത്തെക്കുറിച്ച് സംസാരിക്കുന്നത് വിരോധാഭാസമാണെന്നും അദ്ദേഹം പറഞ്ഞു. പലര്ക്കും രാഷ്ട്രത്തെ നയിക്കാന് അവസരം ലഭിച്ചിട്ടുണ്ടെങ്കിലും ജനങ്ങളോട് അനുകമ്പയില്ലാത്തവര് എങ്ങനെയാണ് സത്യാഗ്രഹത്തില് ഏര്പ്പെടുകയെന്നും അദ്ദേഹം പറഞ്ഞു. അസത്യത്തിന്റെ പാത പിന്തുടരുന്ന ഒരാള്ക്ക് സത്യാഗ്രഹത്തെക്കുറിച്ച് സംസാരിക്കാനാവില്ല. ആഴത്തില് അഴിമതി നടത്തുന്നവര്ക്ക് സത്യാഗ്രഹം അനുഷ്ഠിക്കാന് കഴിയില്ല. സത്യാഗ്രഹം മനസ്സിന്റെയും വാക്കുകളുടെയും പ്രവൃത്തിയുടെയും അടിസ്ഥാനത്തിലാണ്. മഹാത്മാഗാന്ധിയുടെ സത്യാഗ്രഹത്തെക്കുറിച്ച് വിശദീകരിച്ചുകൊണ്ട് മുഖ്യമന്ത്രി യോഗി പറഞ്ഞു.
