ചെങ്ങന്നൂർ : പുത്തൻകാവ് സെന്റ് മേരീസ് ഓർത്തഡോക്സ് കത്തീഡ്രലിൽ വിശുദ്ധ അന്ത്രയോസ് ബാവായുടെ 334 – മത് ശ്രാദ്ധ പെരുന്നാളിനോടനുബന്ധിച്ച് നടത്തിയ സമൂഹസദ്യയിൽ നാനാജാതി മതസ്ഥരായ ആയിരങ്ങൾ പങ്കെടുത്തു. വിശുദ്ധന്റെ സ്മരണകൾ നിറഞ്ഞുനിന്ന അന്തരീക്ഷത്തിൽ നടന്ന സമൂഹസദ്യ രാവിലെ 11 മണിക്ക് ആരംഭിച്ച് വൈകിട്ട് 4 മണിക്കാണ് അവസാനിച്ചത്. ഡോ.മാത്യൂസ് മാർ തിമോത്തിയോസ്, മന്ത്രി സജി ചെറിയാൻ, ജില്ലാ ജഡ്ജി ഡോണി തോമസ് വറുഗീസ്, നഗരസഭാദ്ധ്യക്ഷൻ മനിഷ് കീഴാർ മഠത്തിൽ, കെ.പി.സി.സി. സെക്രട്ടറി സുനിൽ പി. ഉമ്മൻ, ബി.ജെ.പി.സംസ്ഥാന സെക്രട്ടറി എം.വി. ഗോപകുമാർ, മേഖല പ്രസിഡന്റ് സന്ദീപ് വചസ്പതി, ജില്ലാ സെക്രട്ടറി ബി.കൃഷ്ണകുമാർ, ജൂണി കുതിരവട്ടം, തോമസ് ഫിലിപ്പ്, ജോർജ് തോമസ്, റിട്ട.ഐ.ജി.പി.വി. ഈപ്പൻ തുടങ്ങി ജീവിതത്തിന്റെ നാനാതുറകളിൽപ്പെട്ടവർ സമൂഹസദ്യയിൽ പങ്കാളികളായി.
കായംകുളം കണ്ടല്ലൂർ കൊല്ലകൽ ജി.ദേവകി അമ്മ ഈ വർഷത്തെ ആറാം മാർത്തോമ്മ അവാർഡിന് അർഹത നേടിയതായി ഡോ.മാത്യൂസ് മാർ തിമോത്തിയോസ് പ്രഖ്യാപിച്ചു. കത്തീഡ്രൽ വികാരി ഡോ.ഫാ.തോമസ് വർഗീസ് അമയിൽ, ഫാ.ജിജോ കണ്ണാട്ട്, ഫാ.ബിജു.റ്റി. മാത്യൂ, ട്രസ്റ്റി ടൈറ്റസ് മാത്യൂ, സെക്രട്ടറി ബിജു അലക്സാണ്ടർ എന്നീ വർ പെരുന്നാൾ ചടങ്ങുകൾക്ക് നേതൃത്വം നൽകി.
