കൊച്ചി : തിമിംഗില ഛര്ദിയുമായി മൂന്ന് പേര് പിടിയില്. അബു മുഹമ്മദ് അന്വര്(30), പി എസ് മുഹമ്മദ് ഉബൈദുള്ള(29), സിറാജ്(39) എന്നിവരെയാണ് വനംവകുപ്പ് വൈറ്റിലയില് നിന്ന് പിടികൂടിയത്. ഇവർക്കെതിരെ വന്യജീവി സംരക്ഷണനിയമപ്രകാരം കേസെടുത്തതായും റേഞ്ച് ഓഫീസര് അറിയിച്ചു. തിമിംഗില ഛര്ദി വില്ക്കാനായി എത്തിച്ചിട്ടുണ്ടെന്ന വൈല്ഡ് ക്രൈം കണ്ട്രോള് ബ്യൂറോയ്ക്ക് ലഭിച്ച വിവരത്തിന്റെ അടിസ്ഥാനത്തില് നടത്തിയ പരിശോധനയിലാണ് ഇവർ പിടിയിലാകുന്നത്.
കറുപ്പ് നിറത്തിലുള്ള ആംബര്ഗ്രിസ് 1.4 കിലോയും നാനൂറ് ഗ്രാം വെളുപ്പ് ആംബര്ഗ്രിസുമാണ് ഇവരില് നിന്ന് പിടിച്ചെടുത്തത്. കടല്തീരത്തു നിന്നും ലഭിച്ചതാണ് ഇവയെന്നാണ് ലക്ഷദ്വീപ് സ്വദേശികളായ യുവാക്കള് വനംവകുപ്പുദ്യോഗസ്ഥരോട് പറഞ്ഞത്. എന്നാല് ഈ മൊഴി പൂര്ണ്ണമായും കണക്കിലെടുത്തിട്ടില്ല.