കൊച്ചി: യുവതിയെ കൂട്ടബലാല്സംഗത്തിന് ഇരയാക്കിയെന്ന പരാതിയില് കസ്റ്റഡിയിലെടുത്ത പൊലീസ് ഇന്സ്പെക്ടര് പി.ആര്.സുനുവിനെ വിട്ടയച്ചു. ചോദ്യം ചെയ്യലിനു പിന്നാലെയാണ് അറസ്റ്റ് രേഖപ്പെടുത്താതെ സുനുവിനെ വിട്ടയച്ചത്. 10 മണിക്ക് ഹാജരാകാന് നോട്ടീസ് നല്കി. കൃത്യമായ തെളിവ് കിട്ടിയ ശേഷമേ അറസ്റ്റ് ചെയ്യൂ എന്നാണ് പോലീസ് നിലപാട്.
കേസില് ഏഴ് പ്രതികളാണുള്ളത്. ഇതില് അഞ്ച് പേര് കസ്റ്റഡിയിലാണ്. കണ്ടാലറിയാവുന്ന രണ്ട് പ്രതികളെ പിടികൂടാനുണ്ട്. സുനുവിന്റെ അറസ്റ്റ് വൈകുമെന്ന് സിറ്റി പോലീസ് കമ്മീഷണര് സി.എച്ച്. നാഗരാജു നേരത്തെ വ്യക്തമാക്കിയിരുന്നു. പരാതിയിലെ ചില വിവരങ്ങളില് വ്യക്തത വരാനുള്ളതിനാലാണ് അറസ്റ്റു വൈകുന്നതെന്നായിരുന്നു വിശദീകരണം.
