മല്ലപ്പള്ളി : ടാറിങ് ഇളകി മെറ്റൽ നിരന്നുകിടക്കുന്നതുണ്ടിയപ്പാറ – കാടിക്കാവ് റോഡ് റീടാറിങ് നടത്തി ഗതാഗത യോഗ്യമാക്കണമെന്ന ആവശ്യം ശക്തമാകുന്നു. മെറ്റൽ ഇളകി നിരന്നതോടെ ഇതുവഴിയുള്ള കാൽ നടയാത്ര പോലും ദുസഹമായിരിക്കുകയാണ്. ഇരുചക്ര വാഹനങ്ങൾ അപകടത്തിൽ പെടുന്നത് പതിവ് കാഴ്ചയായിരിക്കുകയാണെന്ന് പ്രദേശവാസികൾ പറയുന്നു.
കോട്ടാങ്ങൽ കുടുംബാരോഗ്യ കേന്ദ്രത്തിലേക്കുളള കയറ്റത്തിൽ രൂപപ്പെട്ടിരിക്കുന്ന കുഴികൾ കാരണം വാഹനങ്ങൾ പോകുന്നതിന് തടസ്സമാകുകയാണ്. കോട്ടാങ്ങൽ – പാടി മൺ, മാരംകുളം -ചെന്നിക്കരപ്പടി എന്നി റോഡുകളെ ബന്ധിപ്പിക്കുന്ന പ്രധാന റോഡു കൂടിയാണിത്. റോഡിന്റെ ശോചനീയാവസ്ഥക്ക് പരിഹാരം കാണണമെന്ന നാട്ടുകാരുടെ ആവശ്യം ശക്തമായിരിക്കുകയാണ്.
