റാന്നി – പെരുനാട് : പുലിഭീതിയില് പെരുനാട് ഗ്രാമം. ഇന്ന് രാവിലെയും പുലിയിറങ്ങി. പെരുനാട് കോളാമല മുണ്ടുകോട്ടക്കല് തോട്ടത്തിനു സമീപം താമസിക്കുന്ന കാരമൂട്ടില് സൂസന് കോരുതിന്റെ വീട്ടുമുറ്റത്താണ് ഇന്ന് രാവിലെ ആറരയോടെ പുലിയെ കണ്ടത്. ഭര്ത്താവ് കെ.വി കോരുത് (പൊന്നച്ചന്) മരിച്ചതിനുശേഷം ഇവര് ഒറ്റക്കാണ് താമസം. രാവിലെ മുറ്റത്തിനടുത്ത് നിന്നിരുന്ന തെങ്ങിന് ചുവട്ടില് തേങ്ങാ എടുക്കാന് ഇറങ്ങിയതാണ് സൂസന്.
തിരികെ അടുക്കളയില് കയറി വാതില് അടക്കുവാന് നോക്കുമ്പോഴാണ് തൊട്ടുമുമ്പില് പുലിയെ കണ്ടത്. ഇതോടെ ഇവര് ആകെ ഭീതിയിലായി. സമീപവാസികള് എത്തി വാര്ഡ് മെമ്പര് രാജം പീറ്ററിനെ വിളിച്ചെങ്കിലും അവര് ഫോണ് എടുത്തില്ലെന്ന് നാട്ടുകാര് പറഞ്ഞു. പെരുനാട് ഗ്രാമപഞ്ചായത്ത് മൂന്നാം വാര്ഡിലാണ് സംഭവം നടന്നത്. വിവരം അറിയിച്ചതിനെ തുടര്ന്ന് വനപാലകര് എത്തിയെങ്കിലും ജനങ്ങളുടെ ആശങ്ക പരിഹരിക്കുവാന് ഒരു നടപടിയും സ്വീകരിച്ചിട്ടില്ല. ഇതില് കടുത്ത അമര്ഷത്തിലാണ് നാട്ടുകാര്.
