കോന്നി : കോന്നി ഇടയത്ത് സ്കൂളിന് സമീപം വളവില് ടിപ്പറും കാറും കൂട്ടിയിടിച്ചു. ആര്ക്കും പരിക്കില്ല. രാവിലെയായിരുന്നു സംഭവം നടന്നത്. കോന്നിയിലേക്ക് പോയ കാറും എതിരെ വന്ന ടിപ്പര് ലോറിയും തമ്മില് ഇടിക്കുകയായിരുന്നു. അപകടത്തില് കാറിന്റെ മുന്ഭാഗം തകര്ന്നു. കോന്നി – അട്ടച്ചാക്കല് റോഡിലെ ഇടയത്ത് പടി വളവില് വാഹനാപകടം വര്ധിച്ചു വരികയാണ്. കൊടുംവളവില് വാഹനങ്ങള് കടന്നു വരുമ്പോള് തമ്മില് കാണാതെയാണ് അപകടങ്ങള് സംഭവിക്കുന്നത്തില് കൂടുതലും. വാഹനങ്ങളുടെ അമിത വേഗതയും അപകടങ്ങള്ക്ക് കാരണമായി മാറുന്നുണ്ട്.
ഇടയത്ത് പടി മുതല് അട്ടച്ചാക്കല് വരെയുള്ള ഭാഗങ്ങളില് നിരവധി കാറുകളും കൂട്ടിയിടിച്ചിട്ടുണ്ട്. വാഹനാപകടങ്ങള് കഥയാകുമ്പോഴും ഇത് പരിഹരിക്കാന് ആവശ്യമായ നടപടികള് അധികൃതര് നാളിതുവരെ സ്വീകരിച്ചിട്ടില്ല എന്നതാണ് പ്രധാനം. സ്കൂളും ആരാധനാലയവും ഉള്പ്പെടെ ഇവിടെ സ്ഥിതി ചെയ്യുന്നു. വളവുകളില് കൂടി യാത്ര ചെയ്യുന്ന കാല് നടയാത്രകാര് ഭീതിയോടെ ആണ് ഇതുവഴി സഞ്ചരിക്കുന്നത്.
