വീട്ടില്‍ ചെറുനാരങ്ങ വാങ്ങിയാല്‍ കുരു മുളപ്പിച്ച് തൈകള്‍ ഉണ്ടാക്കി വളര്‍ത്തിയെടുക്കാം.
1. ചെറുനാരങ്ങ പാതി മുറിച്ച് ഉള്ളിലുള്ള വിത്തുകള്‍എടുക്കുക
2. വിത്തുകളുടെ പുറത്തുള്ള ആവരണം വളരെ ശ്രദ്ധിച്ച് എടുത്തു കളയുക
3. ഒരു ടിഷ്യു പേപ്പറില്‍ ചെറുതായി വെള്ളം നനച്ച് നാരങ്ങയുടെ വിത്തുകള്‍ വെക്കുക. ടിഷ്യു പേപ്പര്‍ മടക്കുക. ഒരു ബോക്സില്‍ അടച്ചു വെക്കുക. രണ്ടാഴ്ച ഫ്രിഡ്ജില്‍ വെക്കുക.
4. രണ്ടാഴ്ചയ്ക്ക് ശേഷം ഒരു പാത്രത്തില്‍ ചകിരിച്ചോറും മണ്ണും നിറച്ച് ഈ കുരു ചെറിയ കുഴികളില്‍ നടുക
5. 20 ദിവസത്തിന് ശേഷം കുരു മുളച്ച് വന്നതായി കാണാം
6. തൈകള്‍ കുറച്ച് വലുതാകുമ്പോള്‍ ഒരു വലിയ ചട്ടിയില്‍ ചാണകം, മണ്ണ്, ചകിരിച്ചോറ് എന്നിവ യോജിപ്പിച്ച് അതിലേക്ക് മാറ്റി നടാവുന്നതാണ്. നാല് വര്‍ഷങ്ങള്‍ കഴിഞ്ഞാല്‍ ചെറുനാരങ്ങ പറിച്ചെടുക്കാം
