പത്തനംതിട്ട : പത്തനംതിട്ട പുതിയ സ്വകാര്യ ബസ്റ്റാന്റിൽ നഗരസഭ നടത്താൻ ഉദ്ദേശിക്കുന്ന ട്രാഫിക് ക്രമീകരണങ്ങൾ വ്യാപാരികൾക്ക് പ്രയാസം ഉണ്ടാകാത്തതും യാത്രക്കാർക്കും ഉപഭോക്താക്കൾക്കും ബുദ്ധിമുട്ടില്ലാതെ വന്നു പോകാനുള്ള സൗകര്യം ഉള്ളത് ആകണമെന്നും കൂടാതെ കേട് വന്നിട്ടുള്ള യാർഡിന്റെ പുനർനിർമ്മാണ പണി എളുപ്പത്തിൽ ആക്കണമെന്നും ആവശ്യപ്പെട്ട് വ്യാപാരി വ്യവസായി സമിതിയുടെ നേതൃത്വത്തിൽ നഗരസഭ ചെയർമാന് നിവേദനം നൽകി. ആവശ്യങ്ങൾ അനുഭാവപൂർവ്വം പരിഗണിക്കാമെന്ന് ചെയർമാൻ ഉറപ്പ് നൽകി. സമിതി ജില്ലാ വൈസ് പ്രസിഡന്റ് അബ്ദുൽ റഹീം മാക്കാർ ,ഏരിയാ സെക്രട്ടറി ഗീവർഗ്ഗീസ് പാപ്പി, ഷെമീർ ബീമ , സന്തോഷ് ശിവൻ, റാഫി ഗോൾഡൻ , അബ്ദുൽ റഷീദ് ഫ്ലെയിം തുടങ്ങിയവർ നേതൃത്വം തൽകി.
