കോഴിക്കോട്: എലത്തൂര് ട്രെയിന് തീവെപ്പ് കേസിലെ പ്രതി ഷാറുഖ് സെയ്ഫി പെട്രോള് വാങ്ങുന്നതിലടക്കം കൃത്യമായ ആസൂത്രണം നടത്തിയെന്ന് വ്യക്തമായതോടെ പിന്നില് മറ്റാരെങ്കിലും ഉണ്ടാകാമെന്ന അനുമാനത്തിലാണ് പോലീസ്. തീ വെപ്പിന്റെ ആസൂത്രണത്തിലും പ്രേരണയിലും കൂടുതല് പേര്ക്ക് പങ്കുണ്ടോ എന്നാണ് അന്വേഷണം. ഷൊര്ണ്ണൂരില് നിന്ന് പെട്രോള് വാങ്ങിയ കാര്യത്തില് കൃത്യമായ ആസൂത്രണം നടത്തിയെന്നാണ് പോലീസിന്റെ കണ്ടെത്തല്. തൊട്ടടുത്ത പെട്രോള് പമ്പ് ഒഴിവാക്കിയത് ഇതിന്റെ ഭാഗമാണെന്നാണ് കരുതുന്നത്.
അതേസമയം കേസില് കേന്ദ്ര ഏജന്സികള് സമാന്തര അന്വേഷണം നടത്തുന്നുണ്ട്. തീ വെപ്പിന്റെ ആസൂത്രണത്തിലും പ്രേരണയിലും കൂടുതല് പേര്ക്ക് പങ്കുണ്ടോ എന്നാണ് അന്വേഷണം. ഷാരൂഖ് തീവ്ര ആശയങ്ങളുടെ വക്താവാണോയെന്നും നിരീക്ഷിക്കുന്നുണ്ട്. ആക്രമണത്തില് കൂടുതല് പേര്ക്ക് പങ്കുണ്ടെന്ന് തെളിഞ്ഞാല് ലഭിച്ചാല് കേസ് എന്.ഐ.എ ഏറ്റെടുത്തേക്കും. ബോഗിക്കടക്കം തീയിട്ട് തീവ്രവാദസ്വഭാവമുള്ള ആക്രമണത്തിനാണ് ലക്ഷ്യമിട്ടതെന്നാണ് കേന്ദ്ര ഏജന്സികളുടെ സംശയം. ഇയാളുടെ 2021 മുതലുള്ള ഫോണ് കോളുകളും കുറിപ്പും യാത്രാ വിവരങ്ങളും അന്വേഷണത്തിനായി ശേഖരിക്കുന്നുണ്ട്. ദില്ലിയിലോ കേരളത്തിലോ സഹായം ലഭിച്ചോ എന്നാണ് സംശയം.
