കൊച്ചി: ട്രാന്‍സ്‌ജെന്‍ഡറെ ആക്രമിച്ച്‌ പണം കവര്‍ന്ന കേസിലെ പ്രധാന പ്രതിയെ എറണാകുളം ടൗണ്‍ നോര്‍ത്ത് പോലീസ് അറസ്റ്റ് ചെയ്തു. വടക്കന്‍ പറവൂര്‍ സ്വദേശി മിഥുന്‍ കൃഷ്ണ (27) അണ് നോര്‍ത്ത് പോലീസിന്റെ പിടിയിലായത്. ഈ മാസം 23 തീയതി പുലര്‍ച്ചെ ഒരുമണിക്ക് കലൂര്‍ മണപ്പാട്ടി പറമ്പ് ഭാഗത്ത് ഊബര്‍ കാത്തുനിന്ന ട്രാന്‍സ്‌ജെന്‍ഡേഴ്‌സ് ആയ സാന്ദ്ര, അനുപമ, അനിരുധ്യ എന്നീ ട്രാന്‍സ്‌ജെന്‍ഡേഴ്‌സ് ആണ് പ്രതികളുടെ ആക്രമണത്തിന് ഇരയായത്.
ബൈക്കിലെത്തിയ പ്രതികള്‍ പരാതിക്കാരോട് പണം ആവശ്യപ്പെടുകയാണ് ഉണ്ടായത്. ആവശ്യം നിരസിച്ച പരാതിക്കാരിയേയും മറ്റും പ്രതികള്‍ ദേഹോപദ്രവം ഏല്‍പ്പിക്കുകയും കൈയിലുണ്ടായിരുന്ന 15000/ രൂപ അപഹരിക്കുകയും ചെയ്തു.
