കോന്നി : മദ്ധ്യതിരുവിതാം കൂറിലെ അതിപുരാതനവും ചരിത്ര പ്രസിദ്ധവും 108 ശിവാലയങ്ങളിൽ ഒന്നുമായ അടൂർ പെരിങ്ങനാട് തൃചേന്ദമംഗലം മഹാദേവ ക്ഷേത്രത്തിലെ ശ്രീകോവിൽ പുനരുദ്ധാരണത്തിന് ആവശ്യമായ തേക്കുതടികൾ കോന്നി കുമ്മണ്ണൂർ വനത്തിൽ നിന്നും ആചാര വിധി പ്രകാരം കൊണ്ടുപോയി. ശ്രീകോവിലിന്റെ മേൽക്കൂര പൂർണ്ണമായി ഇളക്കി പുതിയ തേക്കിൻ തടിയിൽ 36 കഴുക്കോലുകളിൽ കൊത്തുപണികളോട് കൂടി നിർമ്മിക്കുവാനും നൂറ്റാണ്ടുകൾ പഴക്കമുള്ള ദാരു ശിൽപ്പം ഉൾപ്പെടെ ഔഷധ ലേപനം ചെയ്ത് തനതു ശൈലിയിൽ നിലനിർത്തുവാനും ശ്രീകോവിലിന്റെ മേൽക്കൂര ചെമ്പോല പാകുന്നതിനും പഞ്ചവർഗ തറ,പാദുക,വേദിക ഉൾപ്പെടെ പുതിയ കൃഷ്ണ ശിലയിൽ മനോഹരമായി നിർമ്മിക്കുന്നതിനും ക്ഷേത്ര കമ്മറ്റി തീരുമാനിച്ചിരുന്നു.
