തൃശൂര് : കോര്പറേഷന് മുന് ഡെപ്യൂട്ടി മേയറും എസ്.എന്.ഡി.പി യോഗം തൃശൂര് യൂനിയന് മുന് പ്രസിഡന്റും മുന് ഡയറക്ടര് ബോര്ഡ് അംഗവുമായ മുണ്ടപ്പാട്ട് എം.കെ സൂര്യപ്രകാശ് (68) അന്തരിച്ചു. തൃശൂരില് സ്വകാര്യ ആശുപത്രിയില് ചികിത്സയിലായിരുന്നു. കൂര്ക്കഞ്ചേരി മണ്ഡലം മുന് കോണ്ഗ്രസ് പ്രസിഡന്റും കോണ്ഗ്രസിന്റെ കോര്പറേഷന് മേഖലയിലെ പ്രധാന നേതാവുമായിരുന്നു. ഇക്കഴിഞ്ഞ തദ്ദേശ തെരെഞ്ഞെടുപ്പിന് തൊട്ട് മുമ്പാണ് കോണ്ഗ്രസ് ബന്ധം ഉപേക്ഷിച്ച് സി.പി.എമ്മിനോട് സഹകരിച്ച് തുടങ്ങിയത്.
കോര്പറേഷനില് ചിഹ്നം നല്കി സി.പി.എം മത്സരിപ്പിച്ചെങ്കിലും പരാജയപ്പെട്ടു. കോണ്ഗ്രസില് ഐ ഗ്രൂപ്പിലെ കരുണാകര പക്ഷക്കാരന് ആയിരുന്നു. കരുണാകരന് ഡി.ഐ.സി രൂപീകരിച്ചപ്പോള് ഡി.ഐ.സിക്കൊപ്പം കൂടി. കരുണാകരന് മടങ്ങിയപ്പോള് സൂര്യപ്രകാശും മടങ്ങിയെത്തി. കോര്പറേഷന് ആരോഗ്യ വിദ്യാഭ്യാസ സ്റ്റാന്ഡിംഗ് കമ്മിറ്റി ചെയര്മാന്, ശ്രീനാരായണ കോളജ് മുന് ചെയര്മാന്, ശ്രീനാരായണ ലൈബ്രറി പ്രസിഡന്റ്, കണിമംഗലം കണ്സ്യൂമര് സ്റ്റോര് സൊസൈറ്റി പ്രസിഡന്റ്, കൂര്ക്കഞ്ചേരി ലയണ്സ് ക്ലബ് പ്രസിഡന്റ് എന്നീ സ്ഥാനങ്ങള് വഹിച്ചിട്ടുണ്ട്.
