വാഷിംഗ്ടണ് : രാജ്യത്തെ ആരാധനാലയങ്ങള് ഉടന് തുറന്നു കൊടുക്കണമെന്ന് സംസ്ഥാനങ്ങളുടെ ഗവര്ണര്മാര്ക്ക് യുഎസ് പ്രസിഡന്റ് ഡൊണാള്ഡ് ട്രംപ് ഉത്തരവ് നല്കി. പള്ളികള്, സിനഗോഗുകള്, മോസ്ക്കുകള് തുടങ്ങിയ ആരാധനാലയങ്ങള് അവശ്യ സേവനങ്ങളുടെ പട്ടികയില് ഉള്പ്പെടുന്നതാണെന്നും അദ്ദേഹം പറഞ്ഞു. വെള്ളിയാഴ്ച വൈറ്റ് ഹൗസില് മാധ്യമങ്ങളോട് സംസാരിക്കവെയാണ് ട്രംപ് ഇക്കാര്യം വ്യക്തമാക്കിയത്.
ഈ ആഴ്ച ആവസാനത്തോടെ തന്നെ ആരാധനാലയങ്ങള് വീണ്ടും തുറക്കാന് ഗവര്ണര്മാര് അനുമതി നല്കണം. അങ്ങനെ ചെയ്യുന്നില്ലെങ്കില് അധികാരം പ്രയോഗിക്കുമെന്നും ട്രംപ് പറഞ്ഞു. അമേരിക്കന് സമൂഹത്തെ ഒന്നിപ്പിച്ചു നിര്ത്തുന്ന ഇടങ്ങളാണ് ആരാധനാലയങ്ങളെന്നും ട്രംപ് പറഞ്ഞു. കൊവിഡ് മഹാമാരിയില് ജീവന് നഷ്ടപ്പെട്ട് പതിനായിരങ്ങളുടെ സ്മരണയ്ക്ക് മുമ്പില് ആദരാഞ്ജലികള് അര്പ്പിച്ച് ദേശീയ പതാക മൂന്നു ദിവസം താഴ്ത്തികെട്ടുന്നതിനും ട്രംപ് ഉത്തരവിട്ടിട്ടുണ്ട്.
