വാഷിങ്ടണ്: ഇറാനുമായുള്ള വെടിനിര്ത്തല് മാറ്റമില്ലാതെ തുടരുന്നതായി യുഎസ് പ്രസിഡന്റ് ഡോണള്ഡ് ട്രംപ്. ഹോര്മുസ് കടലിടുക്കല് നടന്ന ആക്രമണങ്ങളുടെ പശ്ചാത്തലത്തിലാണ് ട്രംപിന്റെ പ്രതികരണം. എത്രയും വേഗം ഇറാന് ഒരു കരാറില് എത്തണമെന്ന് ട്രംപ് ആവശ്യപ്പെട്ടു. ചിലപ്പോള് കരാര് ഉണ്ടാകാം, ഇല്ലാതിരിക്കാം. തന്നേക്കാള് കരാര് ആഗ്രഹിക്കുന്നത് ഇറാന് തന്നെയാണെന്നും ട്രംപ് പറഞ്ഞു. അമേരിക്ക ഒരു ഊര്ജ പ്രതിസന്ധിയും നേരിടുന്നില്ല.ഇറാനെ ആണവായുധം നിര്മ്മിക്കാന് അനുവദിക്കില്ല. ഇറാന്റെ ആക്രമണം അതിജീവിച്ച് ഹോര്മുസില് തന്ത്രപ്രധാന കേന്ദ്രം മറികടക്കാന് അമേരിക്കയുടെ മൂന്ന് പടക്കപ്പലുകള്ക്ക് കഴിഞ്ഞതായും ട്രംപ് അവകാശപ്പെട്ടു.
ഇറാനുമായി ചര്ച്ച നടക്കെ ഹോര്മുസില് കപ്പലുകള്ക്ക് സുരക്ഷയൊരുക്കുന്ന ഓപ്പറേഷന് ഫ്രീഡം പദ്ധതി നടപ്പാക്കരുതെന്ന് പാകിസ്താന് ആവശ്യപ്പെട്ടതായി ട്രംപ് വെളിപ്പെടുത്തി. അതേസമയം, തങ്ങളുടെ എണ്ണ കപ്പല് ആക്രമിച്ച യു എസ് പടക്കപ്പലുകള്ക്ക് നേരെ ശക്തമായ മിസൈല് ആക്രമണം നടത്തിയെന്ന് ഇറാനും അറിയിച്ചു.
