വാഷിങ്ടണ് : മാനനഷ്ടക്കേസ് ചൂണ്ടിക്കാട്ടി സിഎന്എന് ചാനലിനെതിരെ മുന് യുഎസ് പ്രസിഡന്റ് ഡോണള്ഡ് ട്രംപ് രംഗത്ത്. 475 മില്ല്യണ് ഡോളര്(47.5 കോടി ഡോളര്) നല്കണമെന്നാവശ്യപ്പെട്ടാണ് കേസ് ഫയല് ചെയ്തത്. 2024 ലെ തിരഞ്ഞെടുപ്പില് താന് വീണ്ടും പ്രസിഡന്റ് സ്ഥാനത്തേക്ക് എത്തുമെന്ന ഭയത്തില് സിഎന്എന് തനിക്കെതിരെ ക്യാംപയിന് നടത്തിയെന്ന് ഫ്ളോറിഡയിലെ ജില്ലാ കോടതിയില് ട്രംപ് പരാതി നല്കി.
വിശ്വസനീയമായ വാര്ത്താ ഉറവിടം എന്ന ഖ്യാതി ഉപയോഗിച്ചുകൊണ്ട് സിഎന്എന് പ്രചരണം നടത്തി വായനക്കാരെ സ്വാധീനിക്കാന് ശ്രമിച്ചു. രാഷ്ട്രീയമായി തന്നെ പരാജയപ്പെടുത്താനാണ് സിഎന്എന് ശ്രമിച്ചതെന്ന് കോടതിയില് സമര്പ്പിച്ച 29 പേജുള്ള പരാതിയില് ട്രംപ് ചൂണ്ടിക്കാട്ടുന്നു. കേസില് വിചാരണ നടത്തണമെന്നാണ് ട്രംപിന്റെ ആവശ്യം.
