തിരുവല്ല : താലൂക്ക് ആശുപത്രിക്ക് സമീപം നിയന്ത്രണം തെറ്റിവന്ന ചരക്കു ലോറി അപകടത്തിൽപ്പെട്ടു. പുലർച്ചെ 4 മണിയോടെയായിരുന്നു അപകടം. പാതയോരത്തു പുതുതായി പണിത നടപ്പാതയുടെ സംരക്ഷണത്തിനായി നിർമിച്ച കൈവരികൾ തകർത്ത് ടയർ കടയിലേക്ക് ലോറി ഇടിച്ചു കയറിയാണ് നിന്നത്. തമിഴ്നാട്ടിൽ നിന്നു തിരുവല്ല മാർക്കറ്റിലേക്ക് പച്ചക്കറിയുമായി എത്തിയ ലോറിയാണ് അപകടത്തിൽപ്പെട്ടത്.
എംസി റോഡിൽ മഴുവങ്ങാട് പാലത്തിനു സമീപവും ഇന്നലെ രാവിലെ പത്തരയോടെ വാഹനാപകടം ഉണ്ടായി. ചങ്ങനാശേരി ഭാഗത്തേക്കു പോയ കെഎസ്ആർടിസി ബസ് പെട്ടെന്നു ബ്രേക്ക് ചെയ്തപ്പോൾ പിന്നാലെ വന്ന ബൈക്ക് ബസിലേക്ക് ഇടിച്ചു കയറുകയായിരുന്നു. ആർക്കും പരുക്കില്ല. കടയുടെ മുൻവശം പൂർണമായും തകര്ന്നിട്ടുണ്ട്. ഒന്നര ലക്ഷത്തോളം രൂപയുടെ നാശനഷ്ടം കട ഉടമയ്ക്ക് സംഭവിച്ചിട്ടുണ്ട്.
