കോന്നി : വീട്ടിൽ സൂക്ഷിച്ച രണ്ട് ലിറ്റർ ചാരായം പിടികൂടി. ഇതുമായി ബന്ധപ്പെട്ട് അട്ടച്ചാക്കൽ നാടുകാണി താരാഭവനത്തിൽ ബിന്ദുവിനെ അറസ്റ്റു ചെയ്തു. എക്സൈസ് റെയിഞ്ച് അസിസ്റ്റന്റ് ഇൻസ്പെക്ടർ എംകെ രേണുനാഥന്റെ നേതൃത്വത്തിൽ അട്ടച്ചാക്കൽ ഭാഗത്തു നടത്തിയ അന്വേഷണത്തിലാണ് ചാരായം പിടികൂടിയത്. യുവതിയെ റിമാൻഡ് ചെയ്തു. റെയ്ഡിൽ പ്രിവന്റീവ് ഓഫീസർ രാജീവ് കെ, ഗ്രേഡ് പ്രിവന്റീവ് ഓഫീസർ പിഎൻ ശ്രീകുമാർ, സിഇഒ മാരായ ബിജുകുമാർ, രമേശ് കുമാർ, അമൽ ബാബു, വനിതാ സിഇഒ സന്ധ്യനായർ എന്നിവർ പങ്കെടുത്തു.
