ലണ്ടന് : യു.കെയിൽ ചിറ്റാരുകാരുടെ പ്രഥമ സംഗമം ഇന്നലെ ലണ്ടനിൽ ചേർന്നു. ചിറ്റാർ ഗ്രാമപഞ്ചായത്ത് ആസൂത്രണ സമിതി അംഗം തോമസ് എബ്രഹാം സംഗമം ഉദ്ഘാടനം ചെയ്തു. സാം ബേബി അധ്യക്ഷത വഹിച്ചു. ചിറ്റാര് സ്വദേശികളായ 500ലധികം ആളുകള് യൂ.കെയിലെ വിവിധ മേഖലകളിൽ ജോലിയിലും പഠനത്തിലുമായുണ്ട്. എല്ലാവരെയും ഒന്നിച്ചുകൂടി ഒരു വലിയ കൂട്ടായ്മയായി മുമ്പോട്ടുപോകുവാനാണ് ശ്രമിക്കുന്നതെന്നും അതിന്റെ ആദ്യപടി എന്ന നിലയിലാണ് ഇപ്പോള് കുടുംബ സംഗമം നടത്തിയതെന്നും സാം ബേബി പറഞ്ഞു. ഓണത്തോട് അനുബന്ധിച്ച് കൂടുതല് വിപുലമായ പരിപാടികള് നടത്തുവാന് ആഗ്രഹിക്കുന്നുണ്ടെന്നും അദ്ദേഹം പറഞ്ഞു.
സമ്മേളനത്തില് മുതിര്ന്ന പൌരന്മാരെയും വിശിഷ്ട വ്യക്തികളേയും ബി.ബി.സി. പരിപാടികളിൽ പങ്കെടുത്തിട്ടുള്ള ക്രിസ്റ്റ വർഗീസിനെയും ആദരിച്ചു. അംഗങ്ങളുടെയും കലാപരിപാടികളും നടത്തി. ലിനു കെ ഈശോ കുളത്തുത്തുങ്കൽ, അരുൺ സിംഗ്, ലെയ്ജു തോപ്പിൽ, എബി എബ്രഹാം കുളത്തുങ്കൽ, ഷാജി വര്ഗീസ് കുളത്തുങ്കൽ, സാം മാത്യു, എന്നിവർ പ്രസംഗിച്ചു.
