യുഎഇ : യുഎഇയില് കോവിഡ് വ്യാപനം രൂക്ഷമാകുന്നു. 24 മണിക്കൂറിനുള്ളില് 3,452 പേര്ക്ക് കൂടി രോഗം സ്ഥിരീകരിച്ചതായി പ്രതിരോധ മന്ത്രാലയം അറിയിച്ചു. 3,570 പേരാണ് രോഗമുക്തി നേടിയത്. ആകെ 3,43,935 പേരാണ് ഇതിനോടകം രോഗമുക്തരായത്. 24 മണിക്കൂറിനിടെ 14 കോവിഡ് മരണങ്ങളാണ് റിപ്പോര്ട്ട് ചെയ്തത്. ഇതുവരെ 1,055 കോവിഡ് മരണങ്ങളും രാജ്യത്ത് റിപ്പോര്ട്ട് ചെയ്തത്. 1,85,502 കോവിഡ് പരിശോധനകളാണ് പുതിയതായി നടത്തിയത്. ആകെ 2.86 കോടിയിലധികം കോവിഡ് പരിശോധനകള് കഴിഞ്ഞു. യുഎഇയില് 3,58,583 പേര്ക്ക് കോവിഡ് വൈറസ് ബാധ സ്ഥിരീകരിച്ചിട്ടുണ്ട്.
നിലവില് 13,593 കോവിഡ് രോഗികള് രാജ്യത്തുണ്ട്. ദുബായ് ഹെല്ത്ത് അതോറിറ്റി വിമാന യാത്രക്കാര്ക്കായി പ്രത്യേക നിബന്ധനകള് പുറത്തു വിട്ടു. കൂടാതെ യാത്രക്കാര് ക്യൂ ആര് കോഡുള്ള കോവിഡ് ഫലം കരുതണമെന്ന് നിര്ദേശത്തില് പറഞ്ഞു. മുന്പ് പേപ്പറില് മാത്രമുള്ള ഫലമായിരുന്നു അവിശ്യം എന്നാല് ഇപ്പോള് യഥാര്ത്ഥ ഫലത്തിലേക്ക് ലിങ്ക് കിട്ടുന്ന രീതിയിലുള്ള ക്യു ആര് കോഡാണ് വേണ്ടത്. കൂടാതെ പരിശോധന നടത്തിയ സമയവും ഫലം വന്ന സമയവും കൃത്യമായി രേഖപ്പെടുത്തിയിരിക്കണമെന്നും നിര്ദേശിച്ചിട്ടുണ്ട്.