പത്തനംതിട്ട : സുപ്രീം കോടതി വിധിയുടെ അടിസ്ഥാനത്തില്, നിയമസഭ തല്ലിതകര്ത്ത കേസിലെ പ്രതിയായ മന്ത്രി വി. ശിവന്കുട്ടി രാജിവെക്കണമെന്ന് ആവശ്യപ്പെട്ടുകൊണ്ട് യു.ഡി.എഫ് സംസ്ഥാന കമ്മിറ്റിയുടെ ആഹ്വാനമനുസരിച്ച് പത്തനംതിട്ട ജില്ലയിലെ അഞ്ചു നിയോജക മണ്ഡലങ്ങളിലും ആഗസ്റ്റ് 4-ാം തീയതി രാവിലെ 10 മണിക്ക് യു.ഡി.എഫിന്റെ നേത്രുത്വത്തില് ധര്ണ്ണ നടത്തുന്നു.
യു.ഡി.എഫ് ജില്ലാ ചെയര്മാന് വിക്ടര് റ്റി. തോമസിന്റെ അദ്ധ്യക്ഷതയില് കൂടിയ യോഗത്തില് കെ.പി.സി.സി ജനറല് സെക്രട്ടറി അഡ്വ. കെ. ശിവദാസന് നായര്, ഡി.സി.സി പ്രസിഡന്റ് ബാബു ജോര്ജ്ജ്, പി. മോഹന്രാജ്, അനീഷ് വരിക്കണ്ണാമല, അഡ്വ. ജോര്ജ്ജ് വര്ഗ്ഗീസ്, റ്റി.എം ഹമീദ്, സമദ് മേപ്രത്ത്, സനോജ് മേമന, മധു ചെമ്പങ്കുഴി, മലയാലപ്പുഴ കോമളന്, പഴകുളം ശിവദാസന്, ലാലു തോമസ്, പ്രകാശ് തോമസ് തുടങ്ങിയവര് പങ്കെടുത്തു.
പ്രൊഫ. പി.ജെ കുര്യന് തിരുവല്ലയിലും, അഡ്വ. കെ. ശിവദാസന് നായര് ആറന്മുളയും, വിക്ടര് റ്റി. തോമസ് റാന്നിയിലും, ബാബു ജോര്ജ്ജ് അടൂരിലും, തോമസ് ജോസഫ് കോന്നിയിലും ധര്ണ്ണ ഉദ്ഘാടനം ചെയ്യുമെന്ന് യു.ഡി.എഫ് ജില്ലാ കണ്വീനര് എ. ഷംസുദ്ദീന് അറിയിച്ചു.
